बन कार्यालय म्याग्दी अस्तब्यस्त,कर्मचारी मदिरामा मस्त

1

जिल्ला बन कार्यालयको सेवा अस्तब्यस्त बनेको छ । कार्यालय प्रमुखको मनोमानी ,अनुशासनहिन कर्मचारी, सेवा प्रवाहामा ढिलासुस्ती लगाएतका गुनासो दिनप्रति दिन बढ्न थालेको छ । कार्यालय प्रमुख अधिकांस समय जिल्ला बाहिर बस्न थालेपछि कर्मचरीले मनोमानी गर्न थालेका छन् । बुधबार मदिराको नशामा कार्यालयमा प्रवेश गरेका सहायक बन अधिकृत हिमलाल लामिछानेले मदिरामा लठ्ठीएर दिनभर कर्मचारीलाई तनाव दिएपछि कार्यालयका अन्य कर्मचारीले समेत काम गर्न वातावरण नभएको गुनासो गरेका छन् ।

गत माघ १७ गते सरुवा भएर जिल्लामा आएका लामिछानेले दैनिकजसो मदिरा सेवा गरेर कार्यालयमा आउन थालेपछि सेवाग्राही समेत समस्यामा परेका छन् । मदिरा सेवन गरेर जथाभावी बोल्न थालेपछि सेवाग्राहीले सञ्चारकर्मीलाई जानकारी गराएका थिए । मदिरामा मस्त लामिछानेले कर्मचारीले आफुँलाई केही गर्न नसक्ने भन्दै केही दिनमा आफुँ अमेरिका जान लागेको बताए । ‘तल्लो तहका कर्मचारीको सेवासुविधा दुरुपयोग भएको छ । मैले मदिरा सेवन गरेपनि यहाँ कर्मचारीको नाममा पेस्की निकालेर प्रयोग गर्ने गरिएको छ’ लामिछानेले सञ्चारकर्मीसंग भने । उनले आफुँले नभई अन्य कर्मचारीले नै सेवाग्राही र करार र ज्यालामा रहेका कर्मचारीलाई दुख दिने काम गरेको बताए ।

जिल्ला देखी वडास्तरसम्मका कर्मचारी, सामुदायिक बन उपभोक्ता, काठ ब्यवसायी सहित विभिन्न कामले कार्यालयमा जाने सेवाग्राहीलाई अनावश्यक दुख दिने, सेवामा ढिलासुस्ती गर्ने गरेको गुनासो दिनप्रति दिन बढ्न थालेको छ । ‘कार्यालय प्रमुख नहु्दाँ अस्तब्यस्त भएको छ । माथिल्लोस्तरका कर्मचारीले नै मनपरी गर्न थालेका छन्’ एक कर्मचारीले भने । कर्मचारीको रासन ठेक्का टेन्डर मुल्याङ्कन दुईमहिना वितिसक्दा समेत कार्यालय प्रमुखले त्यसलाई अवरोध गरेको भन्दै जिल्ला प्रशासन कार्यालयमा समेत गुनासो पुगेको छ ।

कर्मचारीले रासन सुविधामा प्रमुखले मनोमानी गरेको भन्दै जिल्ला प्रशासनमा निवेदन दिएको प्रमुख जिल्ला अधिकारी राजुप्रसाद पौडेलले बताए । ‘मैले समस्याका बारेमा प्रमुखलाई सचेत बनाएको छु । दुईतिन दिनमा आउँछु भन्नुभएको छ’ पौडेलले भने । उनले पदिय मर्यादा विपरित आचरण देखाउने कर्मचारीलाई सम्बख्न्धित कार्यालय मार्फत स्पष्टिकरण सोध्ने बताए । बन कार्यालयको जिल्ला देखी वडास्तरसम्म सञ्चालन भइरहेका कार्यक्रमका बारेमा गुनासो बढ्न थालेपनि कारवाही र छानविन हुन सकेको छैन ।
मदिरामा सेवन गरेका कर्मचारी रातो टिर्सटमा ।

1 COMMENT

  1. baba ama dekhi nai khani haru le puja path ra raksi shod na thale yo dudh ra ghee khane ka bahun haru jasto heading teatai ending ati ramro lekh aasta besta bahun ko shoro moro raksi ma masta ha ha ha testa lai manasik matra hoina bhautik karwai pani gare ma farak pardaina thanks

Comments are closed.