म्याग्दीका कोत मन्दिरहरुमा फुलपाती भित्र्याइयो (फोटोफिचर)

0

 

नेपालीहरुको महान् पर्व बडादशैं अन्तर्गत नवदुर्गाको सातौं दिन मङ्गलबार म्याग्दीका विभिन्न कोत मन्दिरहरुमा हर्ष बढाइँका साथ फूलपाती भिœयाइएको छ । सदरमुकाम बेनीमा रहेको बेनी कोत मन्दिरसहित जिल्लाका अन्य कोत मन्दिरहरुमा धार्मिक परम्परा र हिन्दु संस्कार अनुसार पुजापाठ गरी म्याग्दीका कोत मन्दिरहरुमा फुलपाती भित्र्याइयको हो।बेनी कोतभण्डार व्यवस्थापन समितिको आयोजनामा बडादशैंको आज सप्तमीका दिन बेनी कोत मन्दिरमा फूलपाती भियाइएको छ ।

बेनीबजार र नेपाली सेनाको अर्थुङ्गेस्थित रहेको श्री बक्स गुल्मबाट ल्याइएको फुलपाती बेनीको बेनी कोत मन्दिरमा भिœयाइएको थियो । कोत मन्दिरबाट शुरु भएको पञ्चेबाजासहितको ¥यालीले बेनीबजारको परिक्रमा गरी सङ्गमचोकमा पूजा गरेर कुष्माण्ड (फूर्से) र बोका (छाग)को बलि दिई कोतमा फुलपाती भिœयाइएको हो ।

हिन्दुधर्म, संस्कृति र परम्पराअनुसार विधिपूर्वक पूजाआजा गरी फूलपाती भिœयाइएको बेनी कोटभण्डार व्यवस्थापन समितिका अध्यक्ष पदमबहादुर खत्रीले बताए । फुलपाती भिœयाउने क्रममा नेपाली सेना तथा प्रहरी जवानहरुले तोप पड्काउनुका साथै सलामी अर्पण गरेका थिए । विधि र प्रक्रिया अनुसार पूजाआजा गरेर फूलप्रसादसहित फुलपाती भिœयाएको अवलोकन गर्न सर्वसाधारणहरु पुगेका थिए ।सोही अवसरमा लक्ष्मीनारायण मन्दिर विकास समितिका पदाधिकारीले भजनकिर्तन समेत गरेका थिएभने नेपाल भाषा मंकाः खलका युवाहरुले ढिमे र बाँसुरी बाजा बजाएका थिए ।

कार्यक्रममा बेनी नगरपालिकाका प्रमुख हरिकुमार श्रेष्ठ, बेनपा–७ का वडा अध्यक्ष राजेन्द्रकुमार श्रेष्ठ, ८ नम्बर वडा अध्यक्ष रामकृष्ण बराईलीलगायत उच्च सरकारी अधिकारी तथा स्थानीय संघसंस्थाका प्रतिनिधिहरुको सहभागिता रहेको थियो । कोटभण्डार टोलवासीले कोतको लिपपोत र सङ्गमचोकवासीले फुलपाती बढाइँको लिपपोत र सरसफाई गरेका थिए । बेनी नगरपालिका अन्तर्गत घतान कोत, पुलाचौर कोत, चिप्लेटीको निशानकोत, गाजनेको डढेकोत, ज्यामरुककोटको खड्गभवानी कोत तथा ताकमको ताकम कोत लगायतका दुर्गा भगवतीको मन्दिरमा धार्मिक विधिअनुसार पूजाअर्चना गरी फूलपाती भिœयाइएको जनाइएको छ ।