जेसीज कप फुटबलको फाइनलमा केबी र न्यू वेष्ट प्वाइन्ट भिड्ने

0

बेनीमा जारी १७ औं अन्तरमाविस्तरीय हुवावे जसिज कप फुटबल प्रतियोगिताको फाइनलमा केबी एकेडेमी दरवाङ र न्यू वेष्ट प्वाइन्ट आवशीय मावि बेनी भिड्ने भएका छन् । शुक्रवार भएको सेमिफाइनल खेलमा धौलागिरि मावि सिङ्गालाई ० का विरुद्ध ८ गोल गर्दै न्यू वेष्ट प्वाइन्ट फाइनलमा प्रवेश गरेको हो ।

यस्तै बेनी वोर्डिङ आवशीय माविलाई १ का विरुद्ध दुइगोल गर्दै केबी  एकेडेमी दरवाङले फाइनल खेलका लागि यात्रा तय गरेको छ ।यस अघि विहिवार भएको क्वाटर फाईनलमा प्रकाश माविलाई २ का विरुद्ध ३ गोल गर्दै बेनी आवासीय मावि, बेनी सामुदायिकलाई १ का विरुद्ध ३ गोल गर्दै न्यु वेष्ट प्वाइन्ट, माउण्टलाई २ का विरुद्ध ३ गोल गर्दै केवी एकेडेमि र लिटल गार्डेन एकेडेमिलाई शुन्यका विरुद्ध ७ गोल गर्दै धौलागिरि मावि सेमिफाईनल प्रवेश गरेका थिए ।

प्रतियोगिताको बिजेतालाई जेसीजकप, ट्रफी, मेडल, प्रमाण–पत्र र नगद ४० हजार तथा उपबिजेतालाई ट्रफी, मेडल, प्रमाण–पत्र र नगद २५ हजार रुपैयाँ पुरस्कारको व्यवस्था गरिएको म्याग्दी जेसीजका प्रवक्ता सुजन बरुवालले जानकारी दिनुभयो । अनुशासित टिमलाई पाँच हजार पाँच सय, उत्कृष्ट खेलाडी, डिफेण्डर, सर्वाधिक गोलकर्ता, प्रशिक्षक,मिडफिल्डर, स्ट्राइकर, गोलरक्षक र प्लेयरलाई एक हजार पाँच सय रुपैयाँ नगद, मेडल र प्रमाण–पत्र प्रदान गरिने भएको छ ।