पर्वतका युवा काठमाण्डौ सतुङ्गलबाट बेपत्ता

0

काठमाण्डौको सतुङ्गलबाट पर्वतका एक २३ बर्षिय युवा १६ दिन देखि बेपत्ता भएका छन । पर्बत जिल्लाको कुश्मा नगरपालिका,वार्ड न २ खुर्कोट घर भएका २३ बर्षिय सिद्धार्थ पौडेल मंसिर २६ गते देखि बेपत्ता भएका हुन । हाल काठमाण्डौ जिल्लाको चन्द्रागिरी नगरपालिका वार्ड न १२ सतुङ्गल बस्दै आएका पौडेल घर छाडेर हिडेँको बताइन्छ ।  इलेक्टिकल इन्जिनियरिङ्गको पढाई पुरा गरेका पौडेललाई परिवार र आफन्तले खोजविन गर्दा समेत अहिले सम्म फेला नपरेको पाङ्ग खुर्कोट सम्पर्क समाजका सचिब डा. केदार सुबेदीले जानकारी दिनुभयो ।

हराईरहेका सिद्धार्थको केही दिन सम्म फोनमा घण्टी गएपनि अहिले सम्पर्क हुन नसकेपछि परिवार चिन्तामा डुबेका छन । उनको खोजी गरिदिन र भेटिएमा परिवारलाई खबर गरिदिन सचिब डा. सुवेदीले सामाजिक सञ्जाल मार्फत आग्रह पनि गरेका छन । सिद्धार्थका बाबु खगराज पौडेल भूसंरक्षण बिभागमा लेखा अधिकृत पदमा कार्यरत हुनुहुन्छ । उहाँ केही समय अघि कुस्मा नगरपालिकामा समेत लेखा अधिकृत हुनुहुन्थ्यो ।