Site icon BeniOnline.com.np जिल्लाका ताजा अनलाइन समाचार

मर्दैछु भन्ने स्टाटस फेसबुकमा लेखेर सधैको लागि अस्ताए एक युवक

फेसबुक मार्फत आफ्नो मृत्यु बारे स्टाटस लेखेका झापा बिर्तामोडका एक युवक आफ्नो घर नजिकै मृत अवस्थामा फेला परेका छन् । झापा बिर्तामोड ९ का युुशन श्रेष्ठ आइतबार राती ९ बजे घर छोडेर हिडेकोपछि खोजी गर्र्ने क्रममा गाउँलेले सोमबार उनको घर नजिकै मृत फेला पारेका थिए ।

युशनको शव पोष्टम्याटम गर्नको लागि मेची अञ्चल अस्पताल पठाइएको र के कारण मृत्यु भएको हो भन्ने कुरा जानकारी नभएको इलाका प्रहरी कार्यालयका इन्सपेक्टर श्रीप्रसाद राईले बताएका छन् । उनको मृत्युलाई धेरैले आत्माहत्या भएको अनुमान गरेका छन् । युशनले मार्च १५ तारिखको दिन बेलुका ७ : ५४ मा फेसबुकमार्फत ‘म छिट्टै मर्दै छु मेरो फोटो राखेर श्रद्धाञ्जली दिन तयार हुनुहोस्’ भनेर लेखेका थिए ।

यसरी स्टाटस लेखेर सामाजिक सञ्जालमा छोडेको दुई दिनपछि उनको शव आफ्नो घर नजिकै भेटिएको थियो । बिर्तामोडको मनकामनामा अध्यनरत युशन राती अबेरसम्म फोनमा कुरा गर्ने, घर छोडेर हिड्ने र आफु खुसी गनेए गरेको थाहा पाएपछि उनका बाबूले सम्झाउने गाली गरेर सम्झाएको प्रहरीले बताएको छ ।

Exit mobile version