७ महिनाभित्र ८ हजार मिटरभन्दा अग्ला संसारका १४ वटा हिमाल चढेर विश्व किर्तिमान राख्ने योजना बनाएका अन्नपूर्ण गाउँपालिका –३ दानाका निर्मल पूर्जाले अन्नपूर्ण प्रथमको सफल आरोहण गरेका छन् । म्याग्दीको अन्नपूर्ण गाउँपालिका–४ नारच्याङमा अवस्थित ८ हजार ९१ मिटर संसारकै दशौं अग्लो अन्नपूर्ण हिमालको मंगलाबार हिमालको उत्तरपश्चिम मोहडाबाट सफल आरोहण गरेको निर्मलमा दाजु कमलबहादुर पुर्जाले बताए ।

‘अबको केही महिनामै यो मिसन सफल हुन्छ,‘प्रवासी नेपालीबाट समेत हौसला मिलेको छ’ उनले भने । बहादुर, अनुशासित, लगनशिल र बफादारीको प्रमाणित गरेकोले यूकेमा च्यारेटी सहितको कार्यक्रम गरिएको बताए । उनका अनुसार ३१ जना आरोही सहित आरोहणमा निस्किएका पूर्जाले विश्व किर्तिमानी कायम गर्न बेलायती सेनाको आर्कषक जागिर समेत छोडेका थिए ।

सबैभन्दा छिटो १० घण्टा १५ मिनेटको समयमा सगरमाथाको शिखरदेखि ल्होत्सेको शिखरसम्म आरोहण गरी विश्व किर्तिमान राखिसकेका पूर्जाले ५ दिनमा ८ हजार मिटरभन्दा अग्ला सगरमाथा, मकालु र ल्होत्से हिमाल आरोहण र एउटै सिजनमा १७ दिनभित्र दुईपटक सगरमाथा चढेर ३ वटा विधामा गिनिज बुकमा वल्र्ड रेकर्ड राख्न सफल भइसकेका छन् । २०१९ को मार्चदेखि अक्टोबरभित्र ३ चरणमा १४ वटा अग्ला हिमाल चढ्न पूर्जालाई प्रवासी म्याग्देलीले समेत आर्थिक सहयोग सहित अभियान सञ्चालन गरेका थिए ।

आरोही पुर्जाले ‘प्रोजेक्ट पोसिवल’ नाम दिइएको सो परियोजनाबारे पावर पोइन्ट प्रिजेन्टेशनमार्फत यसअघि आपूmले चढेका हिमाल, गिनिज बुक अफ वल्र्ड रेकर्ड र गोर्खा एक्सीडिसन २०१७ मा १३ जना ब्रिटिस गोर्खाले गरेको सफल सगरमाथा आरोहणको नेतृत्व सम्हालेका थिए । सगरमाथा आरोहणको क्रममा मृत्यु पर्खेर बसेका एक अर्का आरोहीलाई समेत उद्धार गर्न सफल भएका पूर्जाले बेलायती महारानीबाट प्रतिष्ठित एमबिई अवार्ड प्राप्त गरेको जनाए ।

आरोहण सुरु गरेका पूर्जाले अन्नपूर्णसँगै संसारका ८ हजार मिटरभन्दा अग्ला हिमालहरु सगरमाथा, केटु, कञ्चनजंगा, ल्होत्से, मकालु, च्होयो, धवालगिरि, मनास्लु, नाङ्गगा पहाड, गशेरब्रुम, ब्रोड पिक, गशेरब्रुम दोस्रो र शिशापङ्गमा रहेका छन् । यी १४ वटा अग्ला हिमालमध्ये ८ वटा भने नेपालमै पर्दछ । त्यस्तै, अरू पाकिस्तान र चीनमा पर्दछ ।

प्रोजेक्ट पोसीबल’ परियोजना सफल बनाउन एनआरएनए युकेका पूर्वअध्यक्ष योेगेन क्षेत्रीको संयोजकत्वमा आर्थिक सहयोग समेत संकलन गरिएको थियो । करिब ७ लाख ५० हजार पाउन्ड खर्च हुने अनुमान गरिएको अभियानलाई बेलायतमा रहेका नेपालीले चासोपूर्वक हेरेका छन् । सन् २००३ मा पोखरास्थीत ब्रिटिश क्याम्पमा ब्रिटिस आर्मीमा छनौट भर्ना भई संयुक्त अधिराज्य बेलायतको क्याट्रिकस्थित आर्मी टे«निङ सेन्टरबाट आधारभुत तालिमको ज्ञान प्राप्त गरेका थिए ।

Annapurna Base Camp. Photo courtesy: Nima Gyalzen Sherpa

कर्पोरल निर्मल बेसिक टे«निङमा च्याम्पियन रिकु्रटको उपाधी लिएर क्विन्स गोर्खा इन्जिनियर्ससमा गएका थिए । क्विन्स गोर्खा इन्जिनियर्सको बेसिक ट्रेनिङ सफलतापूर्वक सम्पन्न गरी पेन्टिङ्ग एण्ड डेकोरेशन टे«डमा कार्यरत थिए ।क्विन्स गोर्खा इन्जिनियर्समा कार्यरत रहँदा ब्रिटिश आर्मीको कमाण्डो समेत गरेका थिए । उनले बेलायतको रक्षा मन्त्रालयमा माउन्टेन विज्ञको रुपमा कार्यरत पुर्जाले ब्रिटिश सेनाको रोजाईमा रहेका विश्वका धेरै हिमालको आरोहण गरिसकेका छन ।

Leave a Reply