Site icon BeniOnline.com.np जिल्लाका ताजा अनलाइन समाचार

कक्षा १२ मा प्रकाश माविकी सोनी जिसीले धौलागिरी टप गरिन्

राष्ट्रिय परीक्षा बोर्डले कक्षा १२ को परिक्षामा प्रकाश माविकी सोनी जिसीले टप गरेकी छन् । सोमबार सार्वजनिक भएको नतिजामा प्रकाश मावि बेनीबाट विज्ञान संकायकी जिसीले साविकको धौलागिरी अञ्चलमै उत्कृष्ट नतिजा ल्याउन सफल भएकी हुन् । छिमेकी जलजला गाउँपालिकाको पर्वतबेनी स्थायी घर भएकी जिसीले ३.६६ जीपीए प्राप्त गरेको विद्यालयका प्रधानध्यापक हरिकृष्ण सुबेदीले बताए ।

‘उनको जीपिए धौलागिरीकै चारजिल्लामै उत्कृष्ट हो,‘सम्रगमा विद्यालयको नतिजा उत्कृष्ट छ’ सुबेदीले भने । विज्ञान संकायमा विद्यालयले लगातार उत्कृष्ट नतिजा ल्याइरहेको सुबेदीको भनाई छ । पर्वत बेनीमा रहेको न्यू होराइजन आवासीय माविबाट आधारभुत तहको शिक्षा सकेपछि कक्षा ८ मा प्रकाश माविमा आएकी जिसीले जिल्लास्तरीय परिक्षामा ९२.५८ अंक ल्याएर जिल्ला प्रथम, २०७३ सालको एसईईमा ३.६५ ल्याई सामुदायिकतर्फ जिल्ला प्रथम भएकी थिर्ईन् ।

पढाईमा अब्बल जिसीले कक्षा ११ मा समेत राष्ट्रिय बोर्डबाट उत्कृष्ट नतिजा ल्याइपछि साईला मुखीया विश्वराम विज्ञान छात्रबृत्रि पुरस्कारबाट सम्मानित भएको विद्यालयका सहायक प्रधानध्यापक लेकबहादुर हमालले बेनीअनलाइनलाई बताए । उनका अनुसार एईईमा मोना हङकङ सहित विभिन्न संघसंस्थाले समेत पुरस्कार प्रदान गरेको बताए । विज्ञान संकायका लागि जिल्ला बाहिर जानुपर्ने अवस्थालाई अन्त्य गदैं विद्यालयले सुरु गरेको विज्ञान संकायले धेरै विद्यार्थीलाई सहज भएको छ।

Exit mobile version