Site icon BeniOnline.com.np जिल्लाका ताजा अनलाइन समाचार

प्रदेशसभामा सांसद विनोद केसीले भने,‘बगरफाँटका बाढीपिडितलाई पुर्नवासमा सघाउनुपर्छ’

गण्डकी प्रदेसका सांसद बिनोद केसीले बेनी नगरपालिका–२ बगरफाँटका बाढी पिडितलाई पुर्नवासको व्यवस्था मिलाउन माग गरेका छन् । प्रदेशसभाको बुधबार बसेको बैठकमा बिशेष समय लिएर म्याग्दी क्षेत्र (क)बाट निर्वाचित सांसद केसीले कोटखोलामा आएको बाढीका कारण घरबार बिहीन भएका नागरिकहरुको पुर्नवासको ब्यवस्था मिलाउन प्रदेश सरकारको ध्यानाकर्षण गराएका थिए ।

उनले पिडितहरुको राहतका लागि समेत प्रदेश सरकारसँग माग गरे । असोज ४ गते रातीको बाढीले बगाएर बगरफाँटका दुई बालिका वेपत्ता भएका छन् । तीन वटा घरमा पूर्ण सहित सात परिवार बस्ने घरमा बाढी पसेर र भत्काएर क्षति पुगेको छ । स्थानीय बुद्ध एकेडेमिको भवन र खेलमैदान पनि बाढीले पुरिएको छ । यसैगरी सांसद केसीले बर्षातका कारण अवरुद्ध ग्रामिण सडकमा यातायात सञ्चालनका लागि प्रदेश सरकारको ध्यानाकर्षण गराएका थिए ।

बाढी पहिरोका कारण सडक अवरुद्ध हुँदा ग्रामिण क्षेत्रका बासिन्दाहरुको दैनिकि कष्टकर भएको उहाँले प्रदेशसभालाई जानकारी दिए । उनले ग्रामिण सडकमा तोकिएको भन्दा बढी भाडादर असुल्ने समस्या नियन्त्रण र नियमनका लागि सरकारको ध्यानाकर्षण गराएका थिए । बेनी देखि ग्रामिण क्षेत्रमा चल्ने गाडीहरुले मनलाग्दी भाडा असुल्दा सर्वसाधारण मर्कामा परेका छन् । स्थानीय प्रशासन र स्थानीय तहले तय गरेको भाडादर अनुगमनको अभावमा कार्यान्वयन हुन सकेको छैन् ।

Exit mobile version