विगतका वर्षहरुमा जस्तै राष्ट्रपति विद्यादेवी भण्डारीले यो वर्षको दशैंमा सर्वसाधारणलाई टिका लगाइदिनुहुने भएको छ । यही असोज २१ गतेका दिन दिउँसो एक बजेदेखि दुई बजेसम्म मन्त्री, प्रदेश प्रमुख, न्यायाधीश, संघीय संसद तथा संवैधानिक निकायका प्रमुखलगायतलाई टीका लगाइदिनुहुनेछ ।

त्यस्तै, सर्वसाधराणलाई भने २ः३० बजेबाट एक घण्टा टीका लगाइदिनुहुने राष्ट्रपति कार्यालयले जानकारी गराएको छ । दशैंका दिन शितल निवासको गेट नं. एकको ढोका खुल्ला रहने बताइएको छ ।