Site icon BeniOnline.com.np जिल्लाका ताजा अनलाइन समाचार

बानेश्वरमा ठक्कर दिएर डाक्टरकाे ज्यान लिने गाडीको अझै पहिचान हुन सकेन

काठमाडौँ महानगरपालिका–३१ नयाँ बानेश्वरस्थित सडकमा एक चिकित्सकलाई ठक्कर दिने गाडीको अझै पहिचान खुल्न सकेको छैन । बिहानैदेखि गाडीको खोजी गरे पनि राति अबेरसम्म यकिन गर्न नसकिएको प्रहरीले जनाएको छ ।

आज बिहान करीब ६ बजेको समयमा पैदलयात्रामा निस्किएका बेला गाडीले ठक्कर दिँदा चिकित्सक डा. प्रभु जोशीको निधन भएको थियो । उहाँ वसुन्धारास्थित इसान बाल तथा महिला अस्पतालमा कार्यरत हुनुहुन्थ्यो । प्रहरीले सिसी टिभी फुटेजका आधारमा गाडीको खोजी गरिरहेको छ । महानगरीय प्रहरी वृत्त बानेश्वरका प्रहरी नायब उपरीक्षक दुर्गा रेग्मीले सडकबाट बाटो काट्न लाग्दा बसले ठक्कर दिएको जानकारी दिनुभयो ।

सिसी टिभीको फुटेजबाट ठूलो बसले ठक्कर दिएको देखिएकाले बसको खोजी गरिरहेको उहाँले बताउनुभयो । नम्बरको पहिचान नभए पनि गाडी पत्ता लाग्ने उहाँको भनाइ छ । जोशीको परिवारले ठक्कर दिने गाडीका चालकलाई पक्राउ गरी कारवाहीको माग गर्दै महानगरीय प्रहरी वृत्तमा जाहेरी दिएको छ । रासस

Exit mobile version