धवलागिरी गाउँपालिका–६ मराङमा घोरेटो बाटो निर्माणकार्य सुरू भएको छ । मराङको राम्चेदेखि ठलाधुरी सम्म पुग्न घोडेटो बाटो निर्माण कार्य सुरु गरिएको हो । प्रधानमन्त्री स्वरोजगार कार्यक्रम अन्तर्गत घोरेटो बाटो निर्माणमा ३० जना परिचालन गरिएको छ । कोरोना भाइरसको जोखिमलाई मध्यनजर गरी सामाजिक दुरी कायम गदैं १३ दिनमा सक्ने गरी काम भइरहेको श्रीप्रसाद गर्बुजाले बताउनुभयो । उक्त योजनामा ३ लाख बजेट विनियोजन भएको छ । हलल चौरबाट धवलागिरि, माछापुच्छ्रे, गुर्जा हिमाल लगायत विभिन्न हिमश्रंखलाहरु देखिन्छ । धवलागिरि गाउपालिकाको अधिकांश बस्ती, मालिका, रघुगंगा गाउपालिकाको केही बस्तीसंगै अन्य रमणीय वातावरण देखिने हुदा हलल चौरलाई पर्यतकिय क्षेत्रको रुपमा विकास गर्न लागेको वडाध्यक्ष राजाराम सुवेदीले बताउनुभयो ।उहाँका अनुसार स्थानमा भ्यु टावर, वनभोज स्थल निर्माणसंगै अन्य पुर्वाधारहरुको विकास गर्ने योजना रहेको छ। पर्यटकीय गन्तब्य बनाउन आवतजावतमा समेत समस्या भइरहेको अवस्थामा घोरेटोबाटोले सहज हुने स्थानीयको भनाई छ । घोरेटो बाटोमा स्थानीयले जनश्रमदान समेत गरेका छन् ।