????????????????????????????????????

धनकुटाको सहिद भूमि गाउँपालिकाले बाँझै रहेको सार्वजनिक जग्गा सदुपयोग गर्दै फलफूलका बिरुवा रोपेको छ । गत असारमा विश्व वातवरण दिवसको अवसरमा गाउँपालिकाले युएनडिपी र पर्डेप नेपालसँगको समन्वयमा साढे तीन सय रोपनी जग्गामा एक हजार एभोकाडो र आँपको बिरुवा रोपेको हो ।

पछिल्लो समय धनकुटाको स्थानीय तहमा बाँझो जमिन सदुपयोग गर्ने अभियान सञ्चालन भइरहेको छ । सोही अनुरूप सहिद भूमि गाउँपालिकाले पनि बाँझो सार्वजनिक जग्गामा फलफूलको बिरुवा रोपण कार्यक्रम अघि बढाएको हो ।

वृक्षरोपणअन्तर्गत गाउपालिकाको वडा नं ६ थलथलेमा डेढ सय रोपनीमा पाँच सय एभोकाडो रोपिएको छ । त्यस्तै वडा नं १ को गोपालपुर बिडीटोलमा दुई सय रोपनीमा पाँच सय आँपको बिरुवा रोपिएको छ । रोपिएका बिरुवा साढे पाँच लाख बराबरमा खरिद गरेर वृक्षरोपण गरेको पर्डेप नेपाल धनकुटाका कार्यकारी निर्देशक मिनप्रसाद सुवेदीले बताए ।