नेकपा प्रचण्ड–माधव समूहको आज बसेको संसदीय दलको बैठकले स्थायी र केन्द्रीय समितिको बैठक बोलाउने निर्णय गरेको छ ।

आज बिहान सिंहदरबारस्थित संसदीय दलको कार्यालयमा समूह विभाजनपछि पहिलोपटक बसेको सचिवालय बैठकले स्थायी र केन्द्रीय समितिको बैठक बोलाउने निर्णय गरेको हो ।

बैठकपछि सञ्चारकर्मीहरुसँग कुराकानी गर्दै सो पार्टी समूहका प्रवक्ता नारायणकाजी श्रेष्ठले स्थायी कमिटी र केन्द्रीय समितिको बैठक बोलाउने निर्णय गरिएको तर बैठकको मिति भने नतोकिएको जानकारी दिए ।

साथै सचिवालय बैठकले नेकपा पार्टी आधिकारिक रुपमा आफ्नो समूहले दाबी गर्ने र यसका लागि संविधान र राजनीतिक दलसम्बन्धी ऐनअनुरुप चाँडै निर्णय दिन निर्वाच आयोगलाई अनुरोध गर्ने तय गरेको छ ।

गत पुस ५ गते प्रधानमन्त्री ओलीले संसद विघटनको असंवैधानिक कदम चोलेपछि नेकपा पार्टी अनौपचारिक रुपमा विभाजित छ ।