म्याग्दी प्रवासी नेपाली संघ (मोना) फ्रान्सको अध्यक्षमा देबेन्द्र केसी चयन भएका छन् । आइतबार फ्रान्सको राजधानी पेरिसमा सम्पन्न भएको अधिवेशनबाट उपाध्यक्षमा लक्ष्मीप्रसाद भट्टचन,बिक्रम भण्डारी, रेक पुन, महासचिव प्रताप मल्ल, कोषाध्यक्ष ओम गौचन, सहसचिव महेन्द्रबहादुर बोहोरा रहेका छन् । फ्रान्समा रहेका म्याग्देलीको साझा संस्था मोनाको कार्यसमिति सदस्यहरूमा दिनेश कार्की, विकाश शेरचन, प्रेमबहादुर थापा मगर, शिखर पुन, देवान खड्का र रमेश बोहोरा रहेका छन् ।

मोनामार्फत गरिने खेलकुदजन्य गतिविधिलाई संयोजन गर्न यूवा तथा खेलकुद संयोजकमा प्रेमबहादुर थापा मगर र सहसंयोजक शिखर पुनलाई चयन गरिएको मोना फ्रान्सले जनाएको छ । निर्वाचन समितिमा मोना फ्रान्सका संस्थापक अध्यक्ष हेम बानियाँ र एकता समाज फ्रान्सका संस्थापक अध्यक्ष तप्त भण्डारीले नयाँ कार्यसमितिका पदाधिकारी र सदस्यको घोषणा गरेका थिए ।

मोना फ्रान्समार्फत जिल्लामा आर्थिक अवस्था कमजोर भएकाको उपचार तथा विभिन्न सामाजिक कार्यमा सहयोग भएको छ । नवनिर्वाचत अध्यक्ष केसीले फ्रान्समा रहेका म्याग्देलीलाई मोनामा आवद्धका साथै विभिन्न कार्यक्रमहरु गरिने बताए । उनले फ्रान्समा रहेका म्याग्देली समस्यामा परेमा वा जन्मभूमिका रचनात्मक सहयोग गर्ने गरी पूरानो कार्यसमितिको अनुभवलाई लिएर काम गर्ने बताए ।

Leave a Reply