म्याग्दी महोत्सवको प्रत्येक्ष हेर्न नपाईने नै हो त ? हाल अस्ट्रलियामा रहेका बेनी नगरपालिका–६ का लक्की श्रेष्ठले आफ्नो फेसवुकमा स्टाट्स लेखे । त्यसलगत्तै दक्षिण कोरियामा रहेका अनन्त गिरिले पनि बुद्ध कपको प्रत्येक्ष प्रसारण गर्ने बेनीअनलाइनलाई लक्षित गरेर फेसबुकमा आफ्नो भनाई राखे । दुवैको भनाईमा सहमत हुदै धेरैले कमेन्ट र लाईक पनि गरे । जिल्लाबाहिर रहेका म्याग्देलीलाई लक्षित गरे बेनीअनलाइन र फोर्स म्याग्दीले महोत्सवस्थलबाट प्रत्यक्ष प्रसारण सुरु गरेको छ ।
महोत्सवका हरेक गतिविधिलाई प्राथमिकताका साथ प्रसारण सुरुगरेपछि प्रवासमा मात्रै नभई जिल्लाभित्र आफ्नो दैनिक गतिविधिमा ब्यस्त रहेकालाई समेत सहज भएको छ । ‘हामी खुल्लामञ्चमै पुगेर हेरिरहेको अनुभुति भएको छ’। बेनीअनलाइनको यो प्रयासले प्रवासमा रहेका हामीजस्तालाई धेरै उत्साहित बनाएको छ’ लक्की श्रेष्ठले भने । उनले अस्टे«लियामा एकलका साथै समुह समेत बनाएर महोत्सवको अवलोकन गरिरहेका छन् ।
त्यस्तै दक्षिण कोरिया, दोहा कतार, साउदी अरव, बेलायत, अमेरिका, क्यानाडा लगाएत संसारभर छरिएर रहेका म्याग्देलीले आफ्नो जिल्लामा भइरहेको महोत्सवको अवलोकन गर्न पाउँदा खुसी लागेको प्रतिक्रिया जनाइरहेका छन् । ‘हामीले अफिस समयमा समेत हेर्ने गरेका छौ’ । बेनीअनलाइनको प्रयासले म्याग्दी जिल्लामा सञ्चारको प्रगति यस्तो छ भनेर अन्य जिल्लाबाट आएकालाई भन्न पाएका छौ’ साउदी अरवमा रहेका बेनीका देव जिसीले भने । यसैविच म्याग्दी उद्योग वाणिज्य संघले महोत्सवस्थलबाट भइरहेको प्रत्यक्ष प्रसारणबाट खुसी ब्यक्त गरेको छ । संघका महासचिव राजेश शाक्यले बेनीअनलाइनको प्रयासले महोत्सवलाई अन्र्तराष्ट्रियस्तरसम्म पु¥याउन सहज भएको बताएका छन् ।
प्रत्येक्ष प्रसारण हेरिरहेको तस्विर हामीलाई पठाउनुहोस् । तपाईको प्रतिक्रिया सहित हामी त्यसलाई समाचार बनाउँनेछौ । सम्पादक
