सुन धितो राखेर सुन्तलाको गाउँमा सडक

0

म्याग्दीको भकिम्ली– ५ राखुका महिलाले गाउँमा सडक पु¥याउनका लागि सुनका गहना धितो राखेर उपभोक्ता समितिलाई पैसा जुटाइदिएका छन् ।
भकिम्ली राखु आमा समूहकी अध्यक्षसमेत रहेकी मनकुमारी पुनसँगै स्थानीय भीमकुमारी घर्ती, शोभा रोका, लीला पुन, हरिमाया आलेलगायत १३ जना महिलाले आफूले लगाएको सुन सदरमुकाम बेनीस्थित गरिमा विकास बैकमा धितो राखेर सडक विस्तारमा सघाएका हुन्।

बेनी नगरपालिकाको नयाँपुलसम्म सडक विस्तार भएको छ । केहीदिन भित्र नयाँपुलबाट सिधा सडक जोडिने भकिम्ली स्वास्थ्य चौकीकी इन्चार्ज तारा कुमारी घर्तीमगरले बताइन् । लामो दवावपछि चालु आर्थिक बर्षमा जिल्लाका तीनजना सांसदले १० लाख विनियोजन गरेका छन् । सडक विस्तारमा स्थानीयले आफ्नो घरका महत्वपुर्ण कामलाई समेत छोडेर श्रमदान गरेका थिए । गाविसमा सडक पुगेको लामो समय बितिसक्दा पनि गाउँसम्म सडक विस्तारमा जिल्लाका जनप्रतिनिधि र जिविसले कुनै सहयोग नगरेपछि बाध्य भएर चन्दा सङ्कलन र सुन धितो राखेरसमेत गाउँसम्म सडक विस्तार गरिएको आमा समूहकी अध्यक्ष पुनले बताइन्।
img_7201
‘गाउँमै सडक नपुगेपछि शरीरमा सुन लगाएर केही हुँदैन। सडक पुगेपछि गाउँमै फलेको सुनलाई बजारमा लैजान सक्छौ’ उनले भनिन्। वार्षिक करिब २५ लाख रुपैयाँसम्मको सुन्तला निर्यात हुने राखुमा सडकको अभावले ढुवानीमा निकै समस्या भइरहेको थियो ।सडक निर्माणपछि अहिले सुन्तला ढुवानीमा सजिलो हुनुका साथै गाउँमै व्यापारी पुगेर सुन्तला खरिद गरेका छन्यो। यो सडकमा महिलाको परिश्रम जोडिएको छ । हामीले लगाएको सुनभन्दा घरमै पुगेको सडकको महत्व धेरै छ’ स्थानीय चन्द्रोदय प्राविकी प्रधानध्यापक शान्ताकुमारी रानाले भनिन्।

आर्थिक अभावले सडक निर्माणकार्य अवरुद्ध भएपछि गाउँका अगुवा महिलाले आफ्नो शरीर र घरमा रहेको सुनलाई सडक उपभोक्ता समितिलाई जिम्मा लगाएपछि सडक विस्तारमा सहज भएको भकिम्ली– राखु– नयाँ पुल सडक निर्माण उपभोक्ता समितिका सचिव डेकबहादुर घर्तीमगरले बताए। गाविसले– पाँच लाख रुपैयाँ दिएको छ । गाउँकै जयन्ती मावी हुँदै विस्तार गरिएको सडकका लागि महिलाले करिब १२ लाख रुपैयाँ बराबरको सुन धितो राखिएको छ ।नौ किलोमिटर सडक निर्माणमा करिब ५० लाख रुपैयाँको हाराहारीमा खर्च भएको छ । रासस