बिशाल बुद्धुजाको उपचारमा सर्वोदय माविका शिक्षक र विद्यार्थीहरुले आर्थिक सहयोग

0

बंगरा अड्डाउने हड्डी खिईएपछि थलीएका अन्नपूर्ण गाउँपालिका ४ नारच्याङका १७ वर्षिय बिशाल बुद्धुजाको उपचारका लागि शिक्षक र विद्यार्थीहरुले आर्थिक सहयोग गरेका छन् ।

अन्नपूर्ण २ भूरुङ तातापोनीमा रहेको सर्वोदय माविका शिक्षकहरुबाट छ हजार ७० र विद्यार्थीहरुबाट पाँचहजार ४ सय ६५ गरि ११ हजार पाँचसय ३५ रुपैयाँ बिशालको उपचारका लागि सहयोग जुटाउन अभियान सञ्चालन गरेको ओमकुमारी शान्ति कोषलाई उपलब्ध गराइएको छ ।

विद्यालयका शिक्षक टेकवहादुर चोखालले कोषका अध्यक्ष राजेश शाक्यलाई रकम हस्तान्तरण गर्नुभएको थियो । १७ वर्षी विद्यार्थी बदुजाको जिवन रक्षा गर्ने दायित्व सवै शिक्षक र विद्यार्थीहरुको भएकाले आर्थिक संकलन गरिएको शिक्षक चोखालले बताउनुभयो ।

विश्वका बिरलै व्यक्तिहरुलाई लाग्ने रोगबाट थलीएका बुद्धुजाको काठमाडौ स्थित कान्तिपुर डेन्टल हस्पीटलमा उपचार भैरहेको छ । घरपरिवारको कमजोर आर्थिक अवस्थाका कारण उपचारमा समस्या भएपछि शान्ति कोषले सञ्चालन गरेको अभियानमा देश बिदेशबाट सहयोग जुट्ने क्रम जारी छ ।