म्याग्दीका विद्यालयमा मनाइयो पुस्तकाल दिवस

0
374

जिल्लाका विभिन्न सामुदायिक विद्यालयमा १० औ राष्ट्रिय पुस्तकालय दिवस मनाइएको छ ।रुम टु रिड नेपालको आर्थिक तथा नेपाल गाजा डेभलपमेन्ट फाउण्डेसन बागलुङको ब्यवस्थापनमा विद्यालय स्थापना गरिएको पुस्तकालयमा ‘सबै कुरा छोडौं र पढौं’ भन्ने अभियान अन्र्तरगत बिहिबार प्राथमिक तहका विद्यार्थीले आफुँलाई मनपर्ने पुस्तक अध्ययन गरेर दिवस मनाएका थिए ।

विद्यार्थीमा पठन संस्कृतिको विकास गर्ने उदेश्यले आयोजित कार्यक्रममो पुस्तकालय दिवसरको महत्व र पुस्तकालयले हालसम्म गरेका गतिविधिका बारेमा जानकारी गराएको सरस्वती आधारभुत विद्यालयकी पुस्तकालय शिक्षक देवी शर्माले बताउनुभयो ।

पुस्तकालय भित्र हरेक दिन घण्टी अनुसार प्रवेश गर्ने, शिक्षकले आफ्नो तालिका अनुसार पुस्तकालय गतिविधि गर्ने गरेपनि दिवसको दिन अन्य पठनपाठनका कार्यहरुलाई रोकेर पुस्तकालय दिवस सहित विभिन्न रचनात्मक गतिविधिहरू गरिएको थियो ।

स्वतन्त्र पाठकको रुपमा पुस्तकालयमा प्रवेश गरेका विद्यार्थीलाई शिक्षकले आवश्यकता पठन क्रियाकलापमा सहयोग समेत गरेको विद्यालय पुस्तकालय कार्यक्रम संयोजक हरिकृष्ण गौतमले बताउनुभयो । ‘पुस्तकालयको प्रयोगले विद्यार्थीको पढाईमा रुची बढेको छ । पुस्तकालय भित्र बर्गिकरण गरेका पुस्तकहरुबाट विद्यार्थीको पढाई क्षमता समेत सहजै पहिचान गर्न सकिन्छ’ गौतमले भन्नुभयो ।

बेनी नगरपालिका–१ अर्जमस्थित ज्ञानकुञ्ज प्रावि, मालिका गाउँपालिकाको तल्लो दुखुमा रहेको सती प्रावि, मंगला गाउँपालिका–१ कुहुँको दिपशिखा मावि, बेनपा–२ बगरफाँटमा रहेको सरस्वती आधारभुत विद्यालय लगाएत १२ वटा विद्यालयमा कार्यक्रम गरिएको थियो ।

रुम टु रिड नेपालको सहयोगमा जिल्लामा स्थापना भएका विद्यालयमा हरेक बर्ष दिवसको अवसरमा विद्यार्थीलाई पुस्तक संग रमाउने कार्यलाई प्राथमिकताका साथ सञ्चालन गर्ने गरेको छ ।सन् २०१४ सालमा बेनी नगरपालिका, मंगला, मालिका, धौलागिरि गाउँपालिकाका २० वटा विद्यालयमा स्थापना भएका पुस्तकालयमा दिवसको अवसरमा कार्यक्रम गरिएको थियो । पुस्तकालय दिवस देखी अन्र्तराष्ट्रिय साक्षरता र शिक्षा दिवससम्म पुस्तकालय सम्बन्धि विभिन्न कार्यक्रमहरु सञ्चालन गरिन्छ। म्याग्दीका ९९ विद्यालयमा रुम टु रिड नेपाल मार्फत पुस्तकालय स्थापना गरिएको छ ।