बालबालिकालाई इन्टरनेटको कुलतबाट कसरी जोगाउन सकिन्छ ?यस्ता छन् उपाय-

0

इन्टरनेटमा बालबालिकाको पहुँच बढेसँगै कुलतमा फस्ने डरले अभिभावकहरु चिन्तित देखिएका छन्।

बालबालिकालाई इन्टरनेटमै पहुँच नदिने भन्ने होइन, तर इन्टरनेटलाई उनीहरुले सदुपयोग वा दुरुपयोग के गरेका छन् भन्नेबारे निगरानी हुन आवश्यक छ ।जानकारहरुका अनुसार इन्टरनेटको माध्यमबाट बालबालिका यौन दुर्व्यवहार तथा बाल अपराधको शिकार हुनसक्छन्।
त्यस्तै इन्टरनेटमा उपलब्ध विभिन्न प्रकारका मनोरञ्जन तथा खेलमा बालबालिका छिट्टै आकर्षित हुनेहुँदा उनीहरुको ध्यान बौद्धिक विकासमाभन्दा अन्यत्र बढी जाने बताइन्छ।

जब बालबालिका लुकीछिपी अश्लिल सामग्री हेर्छन्, साथीभाइसँग यसबारे कुरा गर्छन् अथाव अरु कसैले अश्लिल गतिविधितिर आर्कषण गरिरहेको हुन्छ, यसले बालबालिकालाई कुलततिर लैजाने खतरा हुन्छ । उनीहरुमा यौनप्रतिको धारणा गलत बन्न पुग्छ भने यौन हिंसाका लागि पनि उत्प्रेरित गर्न सक्छ ।

त्यसकारण बालबालिकालाई सकेसम्म अभिभावकले फुर्सत निकालेर भएपनि सामाजिक कुराहरु गरेर भुलाउने ,कथा कविता लेख्न प्रेरीत गर्ने, घरका साना तिना काम गर्न लगाएर ब्यस्त बनाउन खोज्ने धेरै यस्ता साधन प्रयोगले हुने नकारात्मा समस्या जस्तैः आँखा खराब हुने,दिमाग बोधो हुने, आलस्यता बढ्ने कुराको डर देखाएर बालबालिकालाई सावधान गराउन जरुरी छ ।