कृश थापाको ‘सुनको सिक्री किन्देउ बुढा’

0

हिन्दु नेपाली महिलाको महान पर्व तीजको अवसरमा एक विद्यार्थीले सोलो तिज गीतको छांयाङ्कन गरेका छन् । बेनीस्थित माउण्ट एभरेष्ट आवासीय माविमा कक्षा १० मा अध्ययरनरत कृश थापाले मंगला गाउँपालिकाको बरंजा खर्कका विभिन्न स्थानमा ‘सुनको सिक्री किन्देउ बुढा’ को म्यूजिक भिडियो सुटिङ गरेका छन् । कृष थापा र लक्ष्मी परियारको स्वरमा रहेको छ ।

तीजमा महिलाको खर्च र चाहनामा केन्द्रित रहेको नबोदित गायक थापाले बताए । ‘यो मेरो पहिलो प्रस्तुती हो,‘भविस्यमा पनि गीतसंगीतमा लाग्ने सोच बनाएको छु’ थापाले भने ।

उनले महिलाको महान पर्वको अवसरमा पहिलो सोलो गीत बजारमा ल्याएको बताउँदै पढाईलाई असर नगर्ने गरी लोकसंगीतमा समेत समय दिने बताए । गीतको निर्देशन भुपेन बानियाँ र सहछांयाँङ्कन अनुप बानियाँले गरेका छन् । गीतमा म्याग्दीका लोकगायक धुव्र जिसी र डान्सर सिमान्त बानियाँले अभियन गरेकी छन् । गीतलाई क्रियटिम मिडिया प्रडक्सन प्रालिले बजारमा ल्याउँदै छ ।