चट्याङ लागेर १ महिलाको मृत्यु

पर्वतको फलेवास-३ शंकरपोखरीमा चट्याङ लागेर १ महिलाको मृत्यु भएको छ । आइतवार दिउँसो परेको चट्याङ लागेर घाइते भएकी २८ वर्षकि कल्पना भुसालको मृत्यु भएको हो । घरमै बसिरहेकी भुषालको चट्याङका कारण मृत्यू भएको प्रहरी नायव उपरीक्षक श्यामु अर्यालले जानकारी दिए ।

घाइते भइ पर्वत अस्पताल ल्याउदै गर्दा उनको मृत्यु भएको  हो ।आजै जिल्लाको दक्षिणी क्षेत्रमा असिना सहितको बर्षात भएको छ । असिनाका कारण बालीनाली ठूलो क्षती पुगेको कृषि ज्ञान केन्द्र पर्वतले जनाएको छ ।