मंगला गाउँपालिका-१ कुहुँको प्रगतिशिल महिला बचत तथा ऋण सहकारी संस्थाले पश्चिम म्याग्दीका बाढीपहिरो पीडितलाई २० हजार आर्थिक सहयोग गरेको छ।
गएको असार २५ गते राती पहिरोले विस्थापित भएका धवलागिरी गाउँपालिका–६, मराङ र मालिका–७, बिमलाई प्रति वडा १० हजारको दरले सहयोग गरेको सहकारीकी सहसचिव दिलकुमारी खत्रीले जानकारी दिनुभयो । 
सहयोग रकम गाउँपालिकाको खातामा जम्मा गरिएको छ । सहकारीले विगतमा स्थानीयस्तरमा महिलालाई विभिन्न तालिम तथा सहयोग गदैं आइरहेको अवस्थामा यसबर्ष धेरै क्षती भएको वडामा सहयोग गरिएको सहकारीकी अध्यक्ष पूर्णमायाँ शेरपुञ्जाले बताउनुभयो ।
उहाँले सहकारीमार्फत भविस्यमा पनि विभिन्न सामाजिक तथा मानवीय सेवा गर्ने प्रतिबद्धता जनाउनुभयो । कुहुँमा २०६९ सालमा स्थापना भएको सहकारीमार्फत उत्पादनमुखी क्षेत्रमा लगानी भइरहेको छ ।
