म्याग्दी बालगृहका बालबालिकाहरुलाई तृप्ती फाउन्डेसनले ३० हजार सहयोग गरेको छ। फाउन्डेसनका संस्थापक हरि राम्जालीले लायन्स कल्ब अफ बेनी सिटी मार्फत पठनपाठनमा सहज हुने गरी सहयोग हस्तान्तरण गरेको हो ।

मोना अष्टेलियाका पूर्व अध्यक्ष समेत रहेका रामजालीले विगत ५ बर्षदेखि लगातार बालगृहमा सहयोग गदैं आइरहेको लायन्स क्लब अफ बेनी सिटीका पूर्व अध्यक्ष सुविन श्रेष्ठले बताए ।

क्लबका अध्यक्ष अमित बाँनिया, संस्थापक अध्यक्ष अम्बिक कुमार श्रेष्ठ , पूर्व अध्यक्ष दिपेन्द्र श्रेष्ठ, पूर्व अध्यक्ष सुविन श्रेष्ठ लगायत कल्बका सदस्यहरुको उपस्थितिमा बालगृहका प्रमुख सुजन केसीलाई सहयोग रकमको चेक हस्तान्तरण गरिएको थियो ।

क्लबका अध्यक्ष अमित बाँनियाले क्लबको बार्षिक कार्यक्रम अनुसार सहयोग रकम हस्तान्तरण कार्यक्रम गरिएको र यो बर्षका बाँकी अन्य कार्यक्रमहरु नियमित रुपमा गरिने बताए । म्याग्दीको मंगला गाउँपालिका १ कुहुँ घर भई हाल अष्ट्रेलियामा व्यवसाय गर्दै आएका राम्जालीले विगतमा समेत धेरै सहयोग गरेका छन् । बालगृहमा रहेका १२ जना बालबालिका छन् ।