जिल्ला प्रहरी कार्यालय म्याग्दीले गाउँबाट बजारमा झरेका बृद्धबृद्धालाई प्रलोभन देखाई लुटपाट गर्ने गिरोह सक्रिय रहेको भन्दै सर्तक हुन अपिल गरेको छ ।
केहीदिन यता बेनीबजार तथा आसपासका क्षेत्रमा अपरिचित व्याक्तिहरूले विभिन्न बाहना बनाई टाढा-टाढाबाट आएका बृद्धबृद्धालाई प्रलोभन देखाई लुटपाट गरी भाग्ने र विभिन्न झुटा कुरामा फसाउने गरेकाले सुरक्षित हुन अनुरोध गरिएको प्रहरी निरिक्षक डाक्टरप्रसाद चौधरीले बताए ।
‘एकै किसिमका गुनासो आएपछि गिरोह सक्रिय रहेको अनुमान गरिएको छ,‘यस्ता गतिविधिमा संलग्न भएको पाइएमा खवर गर्नुहोला’ प्रनि चौधरीले भने । उनले पसल तथा बैक तथा बित्तिय संस्थामामा अपरिचित मान्छेले बृद्धबृद्धालाई निगरानी गरेको देखेमा तत्काल प्रहरीलाई खवर गरिदिन समेत अनुरोध गरे ।
प्रहरीले पैसा निकाल्ने वा अन्य कामले बजारमा आएका बृद्धबृद्धालाई लुटपाट र प्रलोभनमा पार्न सजिलो हुने भएकाले पनि यस्ता गतिविधि गरेको हुनसक्ने भन्दै भिडभाडमा साधा पोशाकका प्रहरी समेत परिचालन गरेको जनाएको छ ।
