दाउरा काट्ने क्रममा गम्भीर घाइते भएकी म्याग्दीको मंगला गाउँपालिका-२, हिँदीकी एक महिलाको उपचारमा आर्थिक समस्या भएको छ । घरमा दाउरा काट्ने क्रममा देब्रे खुट्टामा गम्भीर चोट लागेर हाल काठमाण्डौको नेशनल ट्रमा सेन्टरमा उपचारर्थ ४९ बर्षिय नरमती पूर्जालाई थप उपचार र औषधी खरिदका लागि आर्थिक समस्या भएको हो ।
गाउँकै विपन्न परिवारकी पूर्जाको खुट्टाको शल्यक्रिया गरिएपनि लामो समयसम्म अस्पतालमै बस्नुपर्ने र नियमित चेकजाँचका लागि सहयोग आवश्यक रहेको बिरामीका आफन्त देबी पुर्जाले बताईन् । उनले हाल बिरामीको स्थानीयको सहयोगमा उपचार भइरहेको बताईन्। उनको उपचारमा अहिलेसम्म ऋण गरेर एक खर्च भएको छ ।
८ जनाको परिवार रहेकोमा नियमित आम्दानी, खेतीपाती समेत प्रसस्त नभएकाले सहयोग बिना उपचार सम्भव नभएको भन्दै स्थानीयले समेत सहयोगको अपिल गरेका छन् । पूर्जाको उपचारमा म्याग्दीको परोपकारी संस्था ओमकुमारी शान्ति कोषले अभियान सुरु गरेको छ ।
कोषका सहसचिव सन्दिप खत्रीको संयोजकत्वमा समिति बनाइएको छ भने उक्त अभियानमा कोषका पदाधिकारीले ब्यक्तिगत रुपमा २० हजार संकलन गरेका छन् भने संस्थाले अन्तिममा सहयोग उपलब्ध गराउने कोषका कार्यालय प्रमुख डकबहादुर रोकाले बताए ।
