कास्कीको पोखरा महानगरपालिका–१८ सराङकोटमा भएको मोटरसाइकल दुर्घटनामा परि पर्वतका एक यूवकको मृत्यू भएको छ । मृत्यू हुनेमा जिल्लको कुस्मा नगरपालिका–८ चुवा घर भएका ३२ वर्षिय माधव गिरी रहेका छन् ।

जिल्ला प्रहरी कार्यालय कास्कीका अनुसार मंगलवार दिउँसो ग १८ प ४८१४ नं. को मोटरसाइकल पर्वतबाट पोखरा जाँदै गरेका उनको पोखरा सराङकोट–सडक खण्ड स्थित गुम्बा नजिकै दुर्घटना भएको हो । प्रहरीका अनुसार मोटरसाइकल अनियन्त्रित भई सडकबाट अन्दाजी ५० मिटर तल खसेको थियो ।

गम्भीर घाइते भएका माधवलाई उपचारको लागि सहारा अस्पताल पठाइएकोमा उपचारको क्रममा मृत्यु भएको हो ।मोटरसाइकलको पछाडि बसेका चुवाकै ३२ वर्षिय गोविन्द गिरीको फिस्टेल अस्पताल पोखरामा उपचार भइरहेको छ । उनको स्वास्थ्य अवस्था मध्यम रहेको प्रहरीले जनाएको छ ।