नेपाल कम्युनिस्ट पार्टी एमालेको संसदीय बोर्डमा म्याग्दीका प्रतिनिधिसभा सदस्य भुपेन्द्रबहादुर थापा चयन भएका छन् । पार्टी अध्यक्ष केपी शर्मा ओलीको संयोजकत्वमा २४ सदस्यीय बोर्डमा साविकको धौलागिरी अञ्चलभित्रका चार जिल्लाबाट थापा मात्रै मनोनित भएका हुन् । बिहीवार प्रधानमन्त्री निवास बालुवाटारमा बसेको नेकपा एमालेको संसदीय दलको बैठकले पार्टीको बोर्ड गठन गरेको थियो ।
प्रतिनिधिसभा विघटनपछि सांसद थापाले प्रधानमन्त्री ओलीको कदमको सर्मथन समेत गरेका थिए । पार्टीभित्रका सांसदलाई प्रतिनिधिसभामा प्रस्तुत हुने,संसदीय दलको विधान संशोधन तथा पार्टीको तर्फबाट महत्वपूर्ण काममा भूमिका खेल्ने गरेको छ। संसदीय बोर्डको गठनसँगै अव नेकपा एमालेका सांसदले पार्टीको हित विपरित काम गरेमा कारवाही सहितका प्रक्रियालाई अगाडी बढाउन समेत सहज भएको छ । पार्टीभित्र संसदीय बोर्डको सदस्यमा मनोनय हुनुलाई महत्वपूर्ण अवसरका रुपमा समेत लिने गरिन्छ ।
