नेकपा एमालेभित्र समानान्तर गतिविधि गर्दै आएको वरिष्ठ नेताद्वय झलनाथ खनाल र माधव नेपाल समूहको युवा संघ नेपालको राष्ट्रिय भेलाबाट म्याग्दीका कृष्णकुमार विश्वकर्मा केन्द्रिय उपाध्यक्षमा चयन भएका छन् । राष्ट्रिय सभा गृहमा आयोजित भेलाबाट उपाध्यक्षमा चयन भएका विश्वकर्मा बेनी नगरपालिकाका कार्यपालिका सदस्य समेत हुन् ।
भेलाबाट केन्द्रिय सदस्यमा म्याग्दीका जिवन सापकोटा,चन्द्र जुग्जाली,नविन खत्री, अनुप गौचन, ममता जुग्जाली र मदन सापकोटा चयन भएको यूवा संघ नेपालले जनाएको छ । नेपाल–खनाल समूह निकटका देशभरका युवा कार्यकर्ता सहभागीता रहेको भेलाबाट जिम्मेबारी प्राप्त गरेका यूवाहरुलाई कार्यक्षेत्रमा खटिएर लाग्न समेत निर्देशन दिइएको छ ।
