म्याग्दीमा कोरोना संक्रमतिको संख्या ह्वात्तै घटेको छ। शुक्रबार कोरोना महामारीको दोस्रो लहर यताकै सबैभन्दा कम ११ जनामा कोरोना संक्रमणको पुष्टि भएको स्वास्थ्य कार्यालयले जनाएको छ ।
संक्रमति हुनेमा मंगला गाँउपालिकामा ६ जना (पिसिआर बिधिबाट) र बेनी नगरपालिकाका १ जना, मालिका गाँउपालिकामा १ जना, धौलागिरी गाउँपालिकाका ३ जना गरी ५ जना(एन्टीजेन विधिबाट) गरी जम्मा ११ जनामा संक्रमण पुष्टि भएको स्वास्थ्य कार्यालयका सूचना अधिकृत गणेश सुबेदीले जानकारी दिनुभयो ।
शुक्रबार ६३ जनाले कोरोनालाई परास्त गरी आइसोलेसन मुक्त हुनु भएको सूचना अधिकृत सुबेदीको भनाई छ ।
यो संगै म्याग्दीमा कोरोना संक्रमितको संख्या १८५७जना पुगेको छ(पिसिआरबाट १४४५ जना र एन्टिजेनबाट ४१२ )। जिल्लामा ५०१ जना सक्रिय संक्रमित हुनुहुन्छ। अब २४ वटा नमुनाको रिपोर्ट आउन बाकी रहेको छ।
