बेनी नगरपालिका-५, डडुवामा बस्तीमाथीबाट खसेको पहिरोले दुई घर विस्थापित भएका छन् । लगातारको बर्षाले बस्ती माथिबाट खसेको पहिरोले नरबिर दर्जी, डम्बरबहादुर नेपालीको परिवार विस्थापित भएका छन् भने ८ घरधुरी जोखिममा रहेको स्थानीय यूवा अर्जुन भण्डारीले जानकारी दिए ।
पहिरोले नगेन्द्र दर्जी, हर्कबहादुर दर्जी, ज्ञानु दर्जी, लाललबहादुर दर्जी, डम्बरबहादुर बानियाँ, ओमबहादुर बानियाँ र गोरखबहादुर बानियाँको घर जोखिममा रहेको छ । पहिरोले घरमा असर गरेपछि स्थानीयले घरभित्रका सामानहरू निकालेर सुरक्षित स्थानमा लगेको स्थानीय यूवा प्रेम भण्डारीले बताए ।
स्थानीयले विस्थापितलाई तत्काल घरमा नफर्किने गरी ब्यवस्थापन गरेका छन भने जोखिमपूर्ण स्थानमा प्राविधिक टोलीको अध्ययनपछि मात्रै बस्ने वा बैकल्पिक स्थानमा संरचना बनाउने भन्ने निर्णय गरिने वडाका जनप्रतिनिधिको भनाई छ ।
