बाढीपहिरोबाट विस्थापित बेनी नगरपालिका–४, का स्थानीयलाई अमेरिकाबाट ४ लाखभन्दा बढी सहयोग गरिएको छ । गत असार १ गते रातीको अविरल बर्षासँगै नदीले धार परिवर्तन गरी बजार कटान गरेसँगै विस्थापित भएका तातोपानीबासी, तल्लोबजारको उपल्लोटोलमा माथिबाट खसेको पहिरोले असर गरेका १७ स्थानीय र सरस्वती माविलाई सहयोग हस्तान्तरण गरिएको हो ।
तातोपानी घर भई हाल अमेरिकामा रहेका दिपक रोका, कुल रोका र सोम बुढाथोकीको नेतृत्वमा संकलन भएको ४ लाख ११ हजार २२ मध्ये ५० हजार कोषमा राखेर सबै वितरण गरिएको तातोपानीका यूवा कुमार केसीले जानकारी दिनुभयो । उहाँका अनुसार क्षतीका आधारमा सहयोग वितरण गरिएको छ ।
धेरै क्षती भएको मसारका ६ जनालाई २५ हजार, २ जनालाई १८ हजार, ६ जनालाई १५ हजार, ३ जनालाई ५ हजार र सरस्वती माविलाई ६० हजार सहयोग गरिएको छ। म्याग्दी नदीको कटानका कारण तातोपानी उच्च जोखिममा परेको छ । यता नदी कटानको जोखिममा परेका स्थानीयले पक्की पर्खाल सहितको संरचनाको माग गरेका छन् । नदीले धार परिवर्तन गरेकाले हरेक बर्खामा जोखिम बढेको बताउँदै मसारदेखि तल्लो तातोपान्रीबजारसम्म संरचनाको माग गरिएको छ ।
Donner List
