गण्डकी प्रदेशको स्वास्थ्य तथा जनसङ्ख्या मन्त्री मधुमाया अधिकारी गुरुङले मङ्गलबार म्याग्दीको बेनी अस्पतालको स्थलगत अनुगमन तथा निरीक्षण गर्नुभएको छ । मन्त्री भएपछि जिल्लाको अवस्थाबारे बुझ्न म्याग्दी आउनुभएको उहाँले बेनी अस्पताल, स्वास्थ्य कार्यालय र जिल्ला आयुर्वेद स्वास्थ्य केन्द्रको अनुगमन गर्नुभएको हो ।

बेनी अस्पतालको विषयमा अस्पताल व्यवस्थापन समिति तथा स्वास्थ्यकर्मी र सरोकारवाला निकायसहितको टोलीसँग मन्त्री अधिकारीले अन्तत्र्रिmया र छलफल गर्नुभएको थियो । उहाँले अस्पताल परिसरमा निर्माण भैरहेका संरचनालगायत स्वास्थ्य सेवाको बारेमा स्थलगत अनुगमनसहित चासो राख्नुभएको छ । अन्तत्र्रिmया तथा छलफल कार्यक्रममा अस्पताल व्यवस्थापन समितिका अध्यक्ष बेलबहादुर कटुवालले अस्पतालको सेवा प्रवाह, भौतिक संरचना, जनशक्ति लगायतको विषयमा मन्त्रीलाई जानकारी गराउनुभएको थियो ।

बेनी अस्पतालको समग्र विषयमा जानकारी गराउँदै अस्पताल व्यवस्थापन समितिका अध्यक्ष कटुवालले अस्पतालमा दरबन्दीअनुसार जनशक्तिको व्यवस्थापन हुनुपर्ने, निर्माणाधीन ५० शैया क्षमताको अस्पतालको भवन निर्माणमा भैरहेको ढिलाई तथा बेनी अस्पतालमै सिटीस्क्यान लगायतका सेवासुविधाको मागसहित मन्त्री अधिकारीको ध्यानाकर्षण गराउनुभएको थियो । सोही क्रममा मन्त्रीसहितको टोलीले स्वास्थ्य कार्यालयका निमित्त प्रमुख एकनारायण लम्सालसहित स्वास्थ्यको टोलीसँग पनि भेटघाट गरी आवश्यक जानकारी लिएको थियो । कार्यक्रममा निमित्त प्रमुख लम्सालले स्वास्थ्य कार्यालयका गतिविधिबारे जानकारी गराउनुभयो ।

बेनी अस्पतालको स्थलगत अवलोकन तथा अन्तत्र्रिmयापछि सञ्चारकर्मीसँग कुरा गर्दै मन्त्री अधिकारीले अस्पतालको सेवासुविधा थप गर्ने तथा जनशक्ति व्यवस्थापनका लागि आवश्यक पहल गर्ने बताउनुभयो । उहाँले अस्पताललाई आवश्यक बजेट प्रदेश सरकारले उपलब्ध गराउने बताउँदै आईसीयु कक्ष सञ्चालन, सिटीस्क्यान सेवा सञ्चालन तथा जनशक्तिको व्यवस्थापन जस्ता विषयमा सरोकारवाला निकायसँग आवश्यक समन्वय गरिने जानकारी दिनुभयो ।
बाइटः मधुमाया अधिकारी÷मन्त्री स्वास्थ्य

विज्ञापन