उल्टो पैदल यात्रामा निस्किएका ३० वर्षीय ऋषि परियारले मुस्ताङको मुक्तिनाथसम्मको यात्रा गरेका छन् । उल्टो पैदल यात्राबाट पूर्व मेचीदेखि पश्चिम महाकालीसम्मको ६२ दिनको पैदल यात्रा सकिका परियारले दोस्रो अभियान अन्तरगत बुटवलबाट १५ दिनमा गएको मंगलबार म्याग्दीको सदरमुकाम बेनी आइपुगेका परियारले जेठ २२ गते मुक्तिनाथसम्मको यात्रा सकेका हुन् ।
‘स्वास्थ्यका लागि उल्टो पैदल यात्रा’ भन्ने नाराका साथ सम्पन्न भएको मेची–महाकाली यात्रापछिको ‘पर्यटन प्रवर्द्धनका लागि मुस्ताङसम्मको उल्टो पैदल यात्रा’ नाराका साथ यात्रामा निस्किएका परियारलाई बेनी जोमसोम सडकखण्ड अन्तरगत सबैभन्दा जोखिम मानिएको काभ्रेभीरमा असहज भएपनि अन्य स्थानमा सहजै यात्रा गरेको बेनीअनलाइनलाई बताए ।
‘मुस्ताङसम्मको यात्रा सकिएको छ,‘आज बसबाट पोखरासमम फर्किदैछु’ परियारले भने । उनले दोस्रो अभियानमा स्थानीयबासी, सुरक्षाकर्मीबाट प्राप्त साथ र सहयोगले थप उत्साहित भएको बताए । उनले आगामी नयाँ योजनाका बारेमा पछि जानकारी गराउने बताए ।
बुटवलको पुष्पलाल चोकदेखि पैदलयात्रा गरी पाल्पाको तानसेन, स्याङजा, पोखरा,पर्वत, हुदै मुस्ताङसम्मको यात्रामा केही अप्ठ्यारो र चुनौतीहरु झेल्न परेपनि जिल्लाका सुरक्षाकर्मीले उनको सुरक्षामा साथ दिएको परियार बताउँछन् ।
तराईको समथर भुभागमा जन्मिएका परियार पहाड र हिमाल छिचोल्दै उल्टो पैदलयात्रा तय गदै मुस्ताङसम्मको यात्रा नयाँ र अविस्मरणीय भएको बताए ।
परियारलाई सडकमा देख्दा वित्तिकै सवारीसाधनमा आवतजावत गरेका, स्थानीय, पदैलयात्रीले फूल मालाले स्वागत गरेका थिए । परियारलेमेची महाकाली उल्टो पैदल यात्रा सकेपछि गिनिज बुक अफ वर्ल्ड रेकर्डका लागि प्रक्रिया समेत अगाडी बढाएका छन् ।
