म्याग्दीको धवलागिरी गाउँपालिका–७, धारापानीस्थित किसानी माध्यामिक विद्यालयको ब्यवस्थापन समिति र शिक्षक अभिभावक संघ सर्वसम्मत चयन गरिएको छ । सोमबार विद्यालयमा आयोजित अभिभावक भेलाबाट विब्यस अध्यक्षमा चक्रबहादुर थापा र शिअ संघको अध्यक्षमा देबेन्द्र थापालाई चयन गरेको हो ।
विब्यस अध्यक्ष म्याग्दी प्रवासी नेपाली संघ मोना आईईसीका निवर्तमान अध्यक्ष एवम् प्रमुख संरक्षक हुन् । लामो समयसम्म बैदेशिक रोजगार तथा ब्यवसायको सिलसिलामा न्युजरल्याण्डमा बसेका थापा धारापानीको विकास, शैक्षिक अभियानमा निरन्तर सक्रिय छन् । भेलामा विद्यालयको भौतिक तथा शैक्षिक सहयोगमा निरन्तर सक्रिय हुने अध्यक्ष थापाले बताए ।
गाउँपालिकाका स्रोतब्यक्ति गिरीप्रसाद छन्त्यालको विषेश उपस्थितिमा भएको भेलामा पूर्व अध्यक्ष,राजनीतिक दलका प्रतिनिधि सहितको उपस्थिती रहेको थियो । 
निर्वतमान अध्यक्ष किरण थापाले आफ्नो कार्यकालमा रचनात्मक सहयोग गर्ने सम्पूर्णलाई धन्यवाद दिदैं निरन्तर विद्याmलयको शैक्षिक विकासमा सक्रिय हुने प्रतिबद्धता जनाए । भेलाको अध्यक्षता निर्वतमान अध्यक्ष थापा, विब्यस गठन अध्यक्षता जेष्ठ नागरिक चन्द्रबहादुर थापा, स्वागत शिक्षक मानबहादुर थापा र कार्यक्रम सञ्चालन शिक्षक प्रकाश बुढाथोकीले गरेका थिए ।
