बेनी नगरपालिका वडा नं ६ बगुवाखोलामा अवस्थित बौद्धिक अपांगता स्रोत कक्षामा अध्ययन गर्ने बौद्धिक अपाङ्ग बालबालिकालाई दैनिक उपभोग्य खाद्यान्न सामग्रीहरु सहयोग भएको छ । बेनी नगरपालिका–७, हुलाकचोक निवासी राममायाँ श्रेष्ठले आफ्नो जन्मदिनको अवसरमा सहयोग गर्नुभएको हो ।
उक्त सामग्रीहरु श्रेष्ठले विद्यालयका प्रधानाध्यापक धनबहादुर खत्रीलाई हस्तान्तरण गर्नुभएको थियो । कार्यक्रममा विद्यालय ब्यवस्थापन समिति, शिक्षक लगायतको विशेष उपस्थिति रहेको थियो । बौद्धिक अपांगता स्रोत कक्षामा सरकारी सहयोग बाहेक ब्यक्तिगत तथा संस्थागत सहयोगले सहज भएको प्रअ खत्रीको भनाई छ ।
