बेनी नगरपालिका–८, स्थित बालमन्दिर आधारभुत विद्यालयका विद्यार्थीको निःशुल्क आँखा परीक्षण गरेको छ ।
नेपाल नेत्रज्योती संघ म्याग्दीको आयोजनामा मंगलबार सम्पन्न भएको शिविरमा १ सय ६६ जना लाभान्वित भएका छन् । शिविरको उद्घाटन गदैं वडा अध्यक्ष उत्तमकुमार कर्माचार्यले विद्यार्थीलाई नियमित स्वास्थ्य परीक्षण आवश्यकता रहेको बताउनुभयो ।
सोही अवसरमा वडा सदस्य हिरा पुन, चितकुमारी खड्का, विब्यस अध्यक्ष मनबहादुर चर्मकारले मन्तब्य राख्नुभएको थियो। शिविरमा परीक्षण गरिएको मध्ये ८ जनालाई थप उपचारका लागि केन्द्रमा रिफर गरिएको संघका सचिव राजेन्द्रकुमार श्रेष्ठले जानकारी दिनुभयो ।
आँखा जाँच कार्यक्रममा अधिकांस विद्यार्थीको आँखामा सामान्य भएपनि केही समस्या देखिएकालाई समेत निशुल्क सेवा दिने संघले जनाएको छ । सो अवसरमा आँखामा समस्या देखिएका विद्यार्थीलाई निःशुल्क औषधि प्रदान गरिएको थियो । शिविरको अध्यक्षता संघका अध्यक्ष तथा स्वागत अमर बानियाँ र समापन कोषाध्यक्ष बसुधा श्रेष्ठले गर्नुभएको थियो । संघले म्याग्दीमा विभिन्न सघसंस्थाको सहयोगमा दुर्गम क्षेत्रमा समेत शिविर सञ्चालन गर्ने गरेको छ ।
