जिल्ला भलिबल संघ अन्तरगत मंगला गाउँपालिकास्तरीय समिति गठन भएको छ । आइतबार बावियाचौरमा आयोजित भेलाबाट मुक्तमान केसीको अध्यक्षतामा मंगला भलिबल संघ गठन भएको हो । समितिको उपाध्यक्ष गोविन केसी, सचिव रामु गुरुङ, कोषाध्यक्ष हुमा शेरपुञ्जा रहेका छन् ।
त्यसैगरी समितिको सदस्ययहरूमा सस्द हरि सिर्पाली, दुर्गा फगामी, प्रविण बुढाथोकी ,जिवन पौडेल, सुमन रोका, सुजन सेन, विरबहादुर घर्ती मगर, बिबेक विक राजु जिसी, सन्दिप केसी, नविन अधिकारी, चोचन फगामी, दिपु तुलाचन, सुवा विश्वकर्मा, सुमित्रा कार्की, प्रविण खत्री, याम भण्डारी रहेको जिल्ला भलिबल संघ म्याग्दीका सचिव कुमार किसानले बताए।
सोही भेलाबाट सल्लाहकारमा वडा नं २ का अध्यक्ष धनबहादुर खाती, चक्रलाल पाण्डे इश्वर कार्की र कुमार शेरपुञ्जालाई चयन गरिएको छ । भेलामा जिल्ला अध्यक्ष तेजेन्द्र बानियाँले राष्ट्रिय खेल भलिबल खेलमा आर्कषित यूवाहरूलाई भलिवल खेलका आधारभूत ज्ञान, सीप, उपलब्ध गराई अनुशासित रुपमा खेलकूदको विकासमा लगाउने उद्देश्य रहेको बताए ।
