म्याग्दीमा ‘विकास पत्रकारीता पुरस्कार’ बाट बेनीअनलनका संस्थापक हरिकृष्ण गौतम र सहकर्मी धुब्रसागर शर्मा सहित पाचँ जना पत्रकार पुरस्कृत भएका छन् । जिल्ला समन्वय समिति म्याग्दीद्वारा आयोजित स्वागत तथा विदाई एवम् पत्रकारहरुलाई पुरस्कार वितरण कार्यक्रमको अवसरमा जिल्लाका पाँच जना क्रियाशिल पत्रकारलाई विकास पत्रकारिता पुरस्कारबाट पुरस्कृत गरिएको हो ।
विकास पत्रकारिताबाट पुरस्कृत हुने पत्रकारहरु बेनीअनलाइनकर्मी गौतम, शर्मा, ठाकुरप्रसाद आचार्य र कमल खत्री रहेका छन् । गण्डकी प्रदेश सांसद नरदेवी पुन, जिल्ला समन्वय समितिका नवनिर्वाचित प्रमुख राजकुमार थापा, निवर्तमान प्रमुख देवेन्द्रबहादुर केसी, जिल्ला समन्वय अधिकारी जानुका सुवेदीले पत्रकारहरुलाई प्रमाणपत्र, दोसल्ला र नगद रु १० हजारसहित सम्मान गरिएको थियो ।
‘विकास पत्रकारीता पुरस्कार’ आर्थिक बर्ष २०७३÷०७४ को खड्का, २०७४÷०७५ को शर्मा, २०७५÷०७६ को गौतम, ०७६÷०७७ आचार्य र ०७७÷०७८ को खत्रीलाई प्रदान गरिने निर्णय पुरस्कार छनोट समितिले गरेको थियो । सोही कार्यक्रममा जिसस नवनिर्वाचित टिमलाई पदभार ग्रहण र निर्वतमान टिमलाई विदाई तथा सम्मान गरिएको थियो ।
