सुन चोरीको आरोपमा बागलुङमा दुई जना पक्राउ परेका छन् । जिल्ला प्रहरी कार्यालय बागलुङले एक जना सुन व्यवसायीसहित चोरीको आरोपमा दुई जनालाई नियन्त्रणमा लिएको हो ।
जिल्लाको निसीखोला गाउँपालिका–७ राजकुतका ३१ बर्षीय जित भन्ने बोमबहादुर घर्ति मगर र न्यू बलेवा एञ्जल सुन चाँदी पसलका सञ्चालक बागलुङ नगरपालिका–१२ का टेक बहादुर बिकलाई पक्राऊ गएिको जिल्ला प्रहरी कार्यालय बागलुङका प्रहरी नायव उपरीक्षक ईन्द्र बहादुर रानाले बताए ।
घर्तिलाई बागलुङको ढोरपाटन नगरपालिका वडा न. ५ की ६८ बर्षीय हिरा कुमारी कुँवरको घरबाट २ तोला सुनको सिक्रि एक थान, तीस लालको सुनको लकेट १ थान र नगद १५ हजार रुपैयाँ चोरी गरेको आरोपमा पक्राऊ गरिएको हो ।
उनले २०७९ असार २७ गते कुँवरबाट ति सुनका सामाग्री चोरी गरेको प्रहरीको आरोप छ ।
प्रहरीले सुन चोरीको आरोपी घर्ति मगरको साथबाट एक तोलाको सुनको सिक्रि एक थान, ३ तोलाको चाँदीको लकेट एक थान, ०.४०१ तोलाको चाँदीको औँठी एक थान र नगद ६० हजार रुपैयाँ सहित नियन्त्रणमा लिएको छ । सुन व्यवसायी बिकलाई चोरीका गरगहना खरिद गरेको आरोपमा पक्राऊ गरिएको हो । चोरीको सुनलाई गालि नयाँ बनाईएको थियो । उनीहरु दुवै जनालाई चोरी सम्बन्धी मुद्धा दर्ता गरिएको छ । दुवै जनालाई ४ दिन पुर्पक्षमा राख्नको लागि जिल्ला अदालत बागलुङले आदेश दिएको छ ।
