सूचकको आधारमा एसईई नतिजा : निजीतर्फ लिटिल गार्डेन प्रथम, बेनी आवासीय मावि द्धितिय

शिक्षा विकास तथा समन्वय इकाई म्याग्दीले माध्यमिक शिक्षा परीक्षा (एसईई) नतिजा विश्लेषण गरिएको छ । जिल्लाकाभरमा निजी विद्यालयको स्तर निर्धारण गरी सार्वजनिक गरिएको हो ।

इकाईका अनुसार औषत जिपिएको आधारमा लिटिल गार्डेन एकेडेमी पहिलो भएको छ । लिटिल गार्डेनले ३.४९ ल्याएर प्रथम भएको छ भने बेनी आवासीय माविले ३.२४ दोस्रो भएको छ । न्यू वेष्ट प्वाइन्ट आवासीय माविले ३.१० तेस्रो भएको भने गलेश्वर आर्दश आवासीय माविले ३.०८ र लोकदिप आवासीय माविले २.९९ ल्याएर औषत जिपिएमा पाँचौ स्थानमा परेको छ ।

लिटिल गार्डेन एकेडेमी संस्थागत तर्फ सर्वोत्कृष्ट नतिजा ल्याउँदै जिल्ला प्रथम तथा साविकको धौलागिरी अञ्चल भित्रका विद्यालयमा प्रथम भएको थियो । संस्थागततर्फको नतिजामा सबैभन्दा कमजोर मालिका गाउँपालिका–६ दरबाङस्थित दरबाङ बोर्डिङ स्कुल रहेको छ ।

जिल्लाभर संस्थागत र सामुदायिक गरी ७४ विद्यालयको सहभागिता रहेकोमा दरबाङ बोर्डिङ ७० नम्बरमा रहेको छ । यसपटक संस्थागत विद्यालयको नतिजाबाट सञ्चालक र अभिभावक नै सन्तुष्ट छैनन् । इकाईका प्रमुख दल थापाले विद्यालयको औसत जिपिए, विद्यालयको सम्रग नतिजा, विद्यार्थीको सहभागिता लगायतका सूचकको आधारमा नतिजाको विश्लेषण गरिएको बताउनुभयो ।

‘कमजोर मानिएका केही विद्यालयको नतिजाले झस्काएको छ,‘प्रत्येक विद्यालयको एसईईको नतिजा अध्ययन गरी विद्यालयको स्तर निर्धारण गरिएको हो’ प्रमुख थापाले भन्नुभयो । इकाईले गरेको विश्लेषण अनुसार कुन विद्यालयको नतिजाको अवस्था कस्तो छ भन्ने पत्ता लगाउन सहज भएको प्रमुख थापाको भनाई छ । राष्ट्रिय सुचाङ्क प्रणालीको आधारमा ५ सूचकको आधारमा नतिजा मुल्याङ्कन गरिएको थियो ।

विद्यार्थीले प्राप्त गरेको GPA को आधारमा जिल्लाको नतिजा यस प्रकार रहेको छ ।

माध्यमिक शिक्षा परीक्षा २०७८ मा वढि विद्यार्थी सहभागीता गराउने आधारमा विद्यालयको क्रम यस प्रकार रहेको छ ।

औसत GPA का आधारमा विद्यालयहरूको क्रम यस प्रकार रहेको छ ।

जिल्लाको औसत GPA 2.31 हुँदा ४५ विद्यालयको GPA औसत भन्दा तल रहेको छ ।

सूचकका आधारमा विद्यालयको क्रम यस प्रकार रहेको छ ।

संस्थागत तर्फ

सामुदायिक तर्फ

शैक्षिक सत्र २०७४, २०७५ र २०७८ को नतिजा विश्लेषण गर्दा उच्च GPA प्राप्त गर्ने विद्यार्थीहरूको संख्या क्रमश घट्दै गएको देखिन्छ । 3.6 देखि 4 GPA प्राप्त गर्ने विद्यार्थीहरूको संख्या क्रमश २०७४, २०७५ र २०७८ मा ४८, ३४ र २४ रहेको छ । न्यून GPA प्राप्त गर्ने विद्यार्थीहरूको संख्या क्रमश बढ्दो रहेको छ ।