भित्ताभरी म्याग्दीमा जन्मिएर राष्ट्रिय तथा अन्तराष्ट्रियस्तरमा ख्यातीप्राप्त व्यक्तिहरुको स्केच कोरिएको छ । नजिकै लोकदोहोरीको लागि स्टेज तयार छ । झट्ट हेर्दा कुनै सभासम्मेलनका लागि तयार पारिएजस्तै देखिन्छ । म्याग्दी सदरमुकाम बेनीस्थित म्याग्दी उद्योग वाणिज्य संघको भुईतलामा सञ्चालनमा आएको एक रेष्टुरेण्टले आफ्नो ब्यवसायसँगै म्याग्दीलाई चिनाउने विभिन्न विधाका ब्यक्तिहरूको सम्मान सहित ग्राहकलाई आर्कषित गरेको छ ।
उनले आफ्नो रेष्टुरेण्टमा यस क्षेत्रमा उत्पादन हुने कृषिजन्य उत्पादनको स्वादलाई प्राथमिकता दिएर खाना तथा खाजाका परिकार बनाइने बताए । ‘रेष्टुरेण्टमा आउने ग्राहकले अग्रानिकबाट सुरु गछौं,‘स्वादले अर्को पटक पुनः आउने बताउँछौ’ सञ्चालक कार्कीले भने। उनले मेन्यूमा खाजामा मकैभट्ट र मोही, कोदो, फापर, गहुँको पिठोको रोटी र चटनी, खानामा स्थानीय पिठोको ढिँडो, धानको चामलको भात, सिमीको दाल, आलु, गुन्द्रुक, सिस्नुको तरकारीका साथै यस क्षेत्रमै उत्पादन हुने खसीबोकाको मासुको स्वाद लिन पाउने छन भने तेलको प्रयोग हुने सबै परिकारमा गाइभैसीँको घिउको प्रयोग गर्ने बताए ।
