–विनय श्रेष्ठ, पूर्व अध्यक्ष, म्याग्दी जेसीज
म्याग्दी जेसीज म्याग्दीको आयोजनामा सन् २००१ देखि शुभारम्भ जेसीजकप फुटबललाई जिल्ला स्तरीय अन्तर मा. वि. फुटबल प्रतियोगिताका रुपमा सञ्चालन गरिदै आएको छ । कक्षा १० सम्मका विद्यार्थीहरुले भाग लिन पाउने यस प्रतियोगिताले म्याग्दीको फुटबल इतिहासमा महत्वपूर्ण भूमिका खेल्दै बर्षेनी फुटबलप्रेमीहरुलाई हौस्याउने गरेको छ । गत वर्षसम्म १९औं संस्करण पुरा गरी सकेको यस प्रतियोगिताको बीसौं जेसीजकप फुटवल २०७९ मंसिर २०–२४ गते “जेसीजकप फुटबल म्याग्दीको शान–नव प्रतिभा पहिचान र क्षमता प्रष्फुटन” भन्ने मुल नाराका साथ खुल्ला मञ्च बेनीबजारमा सम्पन्न भयो ।
नवौंै जेसीजकपमा बेनीबजार निवासी समाजसेवी श्री श्यामप्रसाद श्रेष्ठले आफ्ना प्रिय पुत्र स्वर्गीय सन्तोष श्रेष्ठको स्मृतिमा स्थापित सन्तोष श्रेष्ठ स्मृति कोषको तर्फबाट जेसीजकप सञ्चालनको लागि रु २,००,०००÷– को अक्षय कोष स्थापना गरि सहयोग प्रदान गर्नुभएकोमा १५औं जेसीजकपमा रु. ५०,०००÷– थप गर्नुभएको थियो । उहाँको यस सहयोगले प्राप्त हुने व्याजको मद्दतले वर्षेनी जेसीजकप फुटबल सञ्चालनको लागि महत्वपूर्ण योगदान पु¥याएको थियो । साथै आयोजक संस्थाले सन्तोष श्रेष्ठ स्मृति कोषलाई प्रत्येक वर्ष मूख्य–प्रायोजक रहने निर्णय समेत गरेको थियो ।
त्यस्तै सन् २०१३ मा नेपाल जेसीजका पूर्व राष्ट्रिय अध्यक्ष सिनेटर धनञ्जयकुमार श्रेष्ठ र म्याग्दी जेसीजका पूर्व अध्यक्ष जेसी विनय श्रेष्ठले स्वर्गीय मातापिताको स्मृतिमा लक्ष्मी पुतली अवार्ड, जेसी लोकेश पुन मगरले स्वार्गिय पिताको स्मृतिमा धमानसिंह अवार्ड र जेसी रन्जना श्रेष्ठले स्वर्गीय पिताको स्मृतिमा इन्द्र अवार्ड यसैगरी सन् २०१४ मा जेसी विक्रम सुवेदीले स्वर्गीय पितामाताको स्मृतिमा झलक खगेश्वरी अवार्ड स्थापना गरी हामीलाई थप हौसला प्रदान गर्नुभएको छ ।
त्यस्तै निवर्तमान अध्यक्ष जेसी ई. कमल विश्वकर्माले स्वर्गीय पिता मिनबहादुर विश्वकर्माको स्मृतिमा एक लाखको अक्षयकोष स्थापना गरेकाले संस्थाले मिन बहादुर स्मृति कोषलाई प्रायोजकको सम्मान प्रदान गरेको छ । १७औं जेसीज कपमा हुवावे मोवाइलले, १८औं जेसीज कपमा नरेश मोबाइलले, १९ औं जेसीज कपमा नमस्ते ट्र्ेड होटल याकले प्रतियोगिता सौजन्यता प्रदान गरेकोमा यस वर्ष गौमति खत्री विकास कोषले प्रतियोगिताको टाइटल स्पोन्सर गरेको छ । यस्तै लालीगुराँस अफसेट प्रेसलाई पनि प्रायोजकको सम्मान गरेको छ ।
यस वर्ष बेनी नगरपालिका, धवलागिरी, अन्नपूर्ण र रघुगंगा गाउँपालिका सहयोगी संस्था, शिखर इन्सुरेन्स इन्सुरेन्स पाटनर, बेनी संजीवनी हेल्थ क्लिनिक हेल्थ पाटनर, टेक माइन्ड नेटवर्क प्रा. लि. इन्टरनेट पाटनर, म्याग्दी ड्रिम वे एजुकेशन सेन्टर एजेकेशन पाटनर रोयल बुलेट क्याफे एण्ड रेष्टुरेण्ट फुडिङ पाटनर रहेका छन् । त्यस्तै संस्थापक तथा पूर्व अध्यक्षहरु, जेसीज पदाधिकारी तथा सदस्यहरुले विभिन्न विद्याका अवार्ड स्थापना गर्नु भएको छ । यस कार्यले जेसीज कप आयोजक, खेलाडीवर्ग र खेलप्रेमीहरुलाई थप हौसला मिलेको छ ।
यहाँ बीसौं जेसीज कप–२०२२ को उद्घाटनदेखि समापनसम्म गतिविधिहरु चर्चा गर्ने जमर्को गरिएको छ ।
१. उद्घाटन सत्र
गौमति खत्री विकास कोष बीसौं जेसीजकप फुटबल २०२२ को उद्घाटन सत्र बेनी नगरपालिकाका प्रमुख सुरत के. सी. को प्रमुख आतिथ्यतामा सम्पन्न भयो । शाखा अध्यक्ष जेसी सन्दिप खत्रीको अध्यक्षता र महासचिव जेसी बिष्मा श्रेष्ठको सञ्चालनमा सम्पन्न सो कार्यक्रममा प्रमुख अतिथि के. सी.ले दीप प्रन्ज्वलन समुद्घाटन गर्नुभएको थियो । सो सत्रमा प्रमुख अतिथि के. सी.ले प्रमुख आतिथ्यताको मन्तव्य, म्याग्दी जेसीजका पूर्व अध्यक्ष एवम् नेपाल जेसीजका पूर्व राष्ट्रिय अध्यक्ष सिनेटर धनञ्जय कुमार श्रेष्ठले विशिष्ट आतिथ्यताको मन्तव्य, म्याग्दी उद्योग वाणिज्य संघ म्याग्दीका अध्यक्ष बेलबहादुर कटुवाल र जिल्ला खेलकुद विकास समितिका अध्यक्ष दिनेश के. सी.ले शुभकामना मन्तव्य र मुल संयोजक जेसी दिनेश वानियाँले स्वागत मन्तव्य व्यक्त गर्नुभएको थियो ।
शाखा अध्यक्ष जेसी सन्दिप खत्रीले धन्यवाद सहित समापन गर्नुभएको सो सत्रमा प्रमुख अतिथि र अतिथी गणलार्ई मायाको चिनो प्रदान गरिएको थियो भने का. का. उपाध्यक्ष जेसी कुमार वानियाँले जेसीज आस्थाको अगुवाई गर्नुभएको थियो । गौमति खत्री विकास कोषका अध्यक्ष सन्दिप खत्रीले शाखा अध्यक्ष जेसी सन्दिप खत्रीलाई टाइटल स्पोन्सर चेक हस्तान्तरण गरेका थिए भने प्रमुख रेफि सिद्धार्थ शाक्य र बुद्ध एकेडेमीकका क्याप्टेन सुमन पुनले सपथ ग्रहण गरेका थिए । उद्घाटन सत्र समाप्ति लगत्तै प्रतियोगिताको गोला प्रथा गरी १८ विद्यालयको टाइसिट निर्धारण गरिएको थियो ।
२. पहिलो र दोश्रो चरणका खेलहरु ः
क) पहिलो खेल
शाखा सम्पादक जेसी दिनेश विश्वकर्माको संञ्चालनमा शुभारम्भमा नेपाल जेसीजका पूर्व राष्ट्रिय अध्यक्ष सिनेटर धनञ्जय कुमार श्रेष्ठले बल चलाइ शुभारम्भ भएको पहिलो खेल गत वर्षको विजेता न्यु वेष्ट प्वाइन्ट आ. मा. वि. बेनी र म्याग्दी एकेडेमी सिंगाबीच भएको थियो । खेलमा वेष्ट प्वाइन्ट शुन्यका विरुद्ध १ गोलले विजयी भएको थियो । वेष्ट प्वाइन्टका तर्फबाट जर्सी नम्बर ६ सुमन थापाले ५७ औं मिनेटमा निर्णायक गोल गरेका थिए । न्यू वेष्ट प्वाइन्टका जर्सी नम्बर ६ सुमन थापालाई जिल्ला खेलकुद विकास समितिका पूर्व अध्यक्ष कृष्ण कुमार विश्वकर्माबाट प्लेयर अफ द म्याचको जर्सी प्रदान गरिएको थियो । खेल रेफ्रि तथा अफिसियलहरुमा सिद्धार्थ शाक्य, आशिष भुजेल, गणेश चोखाल, सुजन रेश्मी रहेका थिए । न्यु वेष्ट प्वाइन्ट आ. मा. वि. बेनीका खेल शिक्षक दिपेन राई, टिम व्यवस्थापक ईश्वर सेन्चुरी र म्याग्दी एकेडेमी सिंगाका खेल शिक्षक प्रशुराम फगामी, टिम व्यवस्थापक सुनिल पाइजा रहेका थिए ।
ख) दोस्रो खेल
प्रतियोगिताको दोस्रो खेल गतवर्षको उपविजेता बुद्ध एकेडेमी बगरफाँट र बालमन्दिर आधारभुत विद्यालय बेनी बीच भएको थियो । बुद्ध एकेडेमीका जर्सी नम्बर १७ प्रवीण थापाले १६ औं मिनेटमा गोल गरी अग्रता लिए पनि बालमन्दिरका जर्सी नम्बर १० रेनिस खानले २९ औं मिनेटमा बराबरी गोल फर्काएका थिए । निर्धारित समयमा थप गोल नभए पछि पेनाल्टी सुट आउटमा ४÷४ गोल बराबरी भएकोले पहिलो सदन डेथमा १÷१ र दोस्रो सदन डेथमा शुन्यका विरुद्ध १ गोलले बालमन्दिर विजयी भएको थियो । बालमन्दिरका जर्सी नम्बर १० रेनिस खान, जर्सी नम्बर ५ कविन वि. क. र जर्सी नम्बर ४ मिलन पुनले पहेलो कार्ड पाएका थिए । बालमन्दिरका जर्सी नम्बर १० रेनिस खान, जर्सी नम्बर ७ क्याप्टेन रोहन किसान, जर्सी नम्बर ५ कबिन वि. क., जर्सी नम्बर ६ सन्दिप सुनार, जर्सी नम्बर ८ पेन्नुरी शेर्पा र जर्सी नम्बर ४ मिलन पुनले गोल गरेका थिए भने जर्सी नम्बर ११ सबिन खोरजा गोल गर्न चुकेका थिए । बुद्धका जर्सी नम्बर ११ क्याप्टेन सुमन पुन, जर्सी नम्बर १० सुजन तिलिजा पुन, जर्सी नम्बर १७ पूविन थापा, र जर्सी नम्बर २० अमित बुढाले गोल गरेका थिए भने जर्सी नम्बर ८ अरुण शेरपञ्जा गोल गर्न चुकेका थिए । बालमन्दिरका जर्सी नम्बर ११ सविन खोरजालाई शाखा अध्यक्ष जेसी सन्दिप खत्रीबाट प्लेयर अफ द म्याचको जर्सी प्रदान गरिएको थियो । खेल रेफ्रि तथा अफिसियलहरुमा आशिष भुजेल, बिकेश शेरपुञ्जा, सागर परियार र उपेन्द्र गिरी रहेका थिए । बुद्ध एकेडेमी बगरफाँटका खेल शिक्षक सोनम लामा, टिम व्यवस्थापक नेत्र हुमेन र बालमन्दिर आधारभुत विद्यालय बेनीका खेल शिक्षक विर्सना के. सी. चोखाल, टिम व्यवस्थापक जीवन लामिछाने रहेका थिए ।
ग) तेस्रो खेल
प्रतियोगिताको तेस्रो खेल केवि एकेडेमी र लिटल गार्डेन एकेडेमी बीच भएको थियो । लिटल गार्डेन एकेडेमीका जर्सी नम्बर ७ का सोसन नेपालीले ११ औं मिनेटमा गोल गर्दै अग्रता लिएपनि जर्सी नम्बर १२ का निखिल रोकाले २० औं मिनेटमा बराबरी गोल फर्काएका थिए । निर्धारित समयमा थप गोल नभए पछि पेनाल्टी सुट आउटमा ३ गोलका विरुद्ध ४ गोलले केवि एकेडेमी विजयी भएको थियो । केवि एकेडेमीका जर्सी नम्बर ६ क्याप्टेन कुशल पुन, जर्सी नम्बर १२ निखिल रोका, जर्सी नम्बर ५ दिपेश रोका र जर्सी नम्बर १० अबिन बुढाले गोल गरेका थिए । लिटिल गार्डेनका नर्सी नम्बर २७ उन्वल के.सी., जर्सी नम्बर ३० अनिश चोचाङ्गी र जर्सी नम्बर ७ सोसन नेपालीले गोल गरेका थिए भने जर्सी नम्बर ४ सुजन गोतामे र जर्सी नम्बर ९ जोन बराल गोल गर्न चुकेका थिए । केवि एकेडेमीका जर्सी नम्बर १२ का निखिल रोकालाई निवर्तमान अध्यक्ष जेसी विरेन्द्र श्रेष्ठबाट प्लेयर अफ द म्याचको जर्सी प्रदान गरिएको थियो । खेल रेफ्रि तथा अफिसियलहरुमा सिद्धार्थ शाक्य, आशिष भुजेल, गणेश चोखाल र सुजन रेश्मी रहेका थिए । केवि एकेडेमीका खेल शिक्षक टण्डिन लामा, टिम व्यवस्थापक हिरा बहादुर पुन र लिटल गार्डेन एकेडेमीका खेल शिक्षक अनिश के. सी., टिम व्यवस्थापक आशिष अर्याल रहेका थिए ।
घ) चौंथो खेल
प्रतियोगिताको चौंथो खेल माउण्ट एभरेष्ट बेनी र हेम मा. वि. सिवाङ बीच भएको थियो । निर्धारित समयमा गोल नभए पछि पेनाल्टी सुट आउटमा ३ गोलका विरुद्ध ५ गोलले माउण्ट एभरेष्ट बेनी विजयी भएको थियो । माउण्ट एभरेष्ट बेनीका जर्सी नम्बर २३ जेनीस शर्मा, जर्सी नम्बर ११ पावल भण्डारी, जर्सी नम्बर १४ रविन किसान, जर्सी नम्बर ७ सनम वि. क. र जर्सी नम्बर २ विनोद गोतामेले गोल गरेका थिए । हेम माविका जर्सी नम्बर १० अनुज गुरुङ, जर्सी नम्बर १३ विशेष गौचन र जर्सी नम्बर ७ विपन पुनले गोल गरेका थिए भने जर्सी नम्बर ८ मनोज पुन गोल गर्न चुकेका थिए । माउण्ट एभरेष्ट बेनीका जर्सी नम्बर २३ जेनिस शर्माले पहेलो कार्ड पाएका थिए । माउण्ट एभरेष्ट बेनीका जर्सी नम्बर ७ का सनम वि. क.लाई नेपाल जेसीजका पूर्व राष्ट्रिय अध्यक्ष सिनेटर धनञ्जय कुमार श्रेष्ठबाट प्लेयर अफ द म्याचको जर्सी प्रदान गरिएको थियो । खेल रेफ्रि तथा अफिसियलहरुमा पुरन छन्त्याल, साजन परियार, विकेस शेरपुञ्जा र सुजन रेश्मी रहेका थिए । माउण्ट एभरेष्ट बेनीका खेल शिक्षक शिरिष हमाल, टिम व्यवस्थापक राजिव थापा र हेम मा. वि. सिवाङका खेल शिक्षक प्रदिप छन्त्याल, टिम व्यवस्थापक रोशन गुरुङ रहेका थिए ।
ङ) पाँचौं खेल
पाँचौ खेल भीम मावि, राजदाङ र चन्द्रकुन्ता किसानी मावि, धारापानी ताकम वीच भएको थियो । निर्धारीत समयमा गोल नभए पछि पेनाल्टी सुट आउटमा २ गोलका विरुद्ध ४ गोलले चन्द्रकुन्ता किसानी मावि, धारापानी ताकम विजयी भएको थियो । चन्द्रकुन्ता किसानीका जर्सी नं ठ क्याप्टेन आसिक हर्मेल, जर्सी नम्बर ३० मनिक खत्री, जर्सी नम्बर १७ रोजेश रसाइली र जर्सी नम्बर ५ रोजन सुनारले गोल गरेका थिए भने जर्सी नम्बर १० मधुसुधन खत्री गोल गर्न चुकेका थिए । भीम मावि, राजदाङ जर्सी नम्बर ३० साजन गौचन र जर्सी नम्बर ७ शिव पुर्जाले गोल गरेका थिए चने जर्सी नम्बर १० विमल घर्ती र नर्सी नम्बर ५ मिलन फगामी गोल गर्न चुकेका थिए । चन्द्रकुन्ता किसानी मावि, धारापानी ताकमका जर्सी नम्बर ११ अभय थापाले पहेलो कार्ड पाएका थिए । चन्द्रकुन्ता किसानी मावि, धारापानी ताकमका जर्सी नम्बर ९९ का अमृत रसाइलीलाई जल्लिा खेलकुद विकास समिति म्याग्दीका अध्यक्ष दिनेश केसीबाट प्लेयर अफ द म्याचको जर्सी प्रदान गरिएको थियो । खेल रेफ्रि तथा अफिसियलहरुमा आशिष भुजेल, सिदार्थ शाक्य, गणेश चोखाल र उपेन्द्र गिरी रहेका थिए । भीम मावि, राजदाङका खेल शिक्षक सुवाष पुन मगर र चन्द्रकुन्ता किसानी मावि, धारापानी ताकमका खेल शिक्षक ध्रुव बहादुर भण्डारी, टिम व्यवस्थापक करण थापा रहेका थिए ।
च) छैटौं खेल
छैटौं खेल बेनी बोर्डिङ सेकण्डरी स्कुल बेनी र जामुनाखर्क मा. वि. अर्थुङ्गे बीच भएको थियो । बेनी बोर्डिङ शून्यका बिरुद्ध २ गोल गर्दै विजयी भएको थियो । बेनी बोर्डिङका जर्सी नम्बर १९ अनेश भण्डारीले २४ औं मिनेटमा र जर्सी नम्बर ११ सुजाभ बानियाँले ६१ औं मिनेटमा गोल गरेका थिए । बेनी बोर्डिङ सेकण्डरी स्कुल बेनीका जर्सी नम्बर १९ का अनेश भण्डारीलाई म्याग्दी जेसीजका पूर्व अध्यक्ष जेसी विनय श्रेष्ठबाट प्लेयर अफ द म्याचको जर्सी प्रदान गरिएको थियो । खेल रेफ्रि तथा अफिसियलहरुमा पुरन छन्त्याल, साजन परियार, विकेस पुन र सुजन रेश्मी रहेका थिए । बेनी बोर्डिङ सेकण्डरी स्कुल बेनीका खेल शिक्षक विनोद घर्ती, टिम व्यवस्थापक फिरोज घिमिरे र जामुनाखर्क मा. वि. अर्थुङ्गेका खेल शिक्षक प्रकाश सुवेदी, टिम व्यवस्थापक गंग बहादुर खत्री (गणेश) रहेका थिए ।
छ) सातांै खेल
सातौ खेल शारदा मावि छिस्वाङ र मगंला मावि बाबियाचौर वीच भएको थियो । खेलमा शारदा मावि छिस्वाङ शुन्यका विरुद्ध २ गोलले विजयी भएको थियो । शारदा मावि छिस्वाङका जर्सी नम्बर १० सिलन सिउथानीले २८ औं मिनेटमा र ६३ औं मिनेटमा २ गोल गरेका थिए । शारदा मावि छिस्वाङका जर्सी नम्बर १० का सिलन सिउथानीलाई म्याग्दी जेसीजका पूर्व अध्यक्ष जेसी भिमसेन बराइलीबाट प्लेयर अफ द म्याचको जर्सी प्रदान गरिएको थियो । खेल रेफ्रि तथा अफिसियलहरुमा पुरन छन्त्याल, साजन परियार, गणेश चोखाल र उपेन्द्र गिरी रहेका थिए । शारदा मावि छिस्वाङका खेल शिक्षक प्रशुराम फगामी, टिम व्यवस्थापक सनिल पाइजा र मगंला मावि बाबियाचौरका खेल शिक्षक सन्दिप के. सी., टिम व्यवस्थापक सुसन सुनार रहेका थिए ।
ज) आठौं खेल
आठौै खेल बेनी सामुदायिक मावि बेनी र सरस्वती मावि तातोपानी वीच भएको थियो । खेलमा बेनी सामुदायिक मावि शुन्यका विरुद्ध ३ गोलले विजयी भएको थियो । बेनी सामुदायिक मावि बेनीका जर्सी नम्बर ९ क्याप्टेन प्रदिप छिनालले २९ औं मिनेटमा, जर्सी नम्बर ७ प्रजल बानियाँले ३३ औं मिनेटमा र जर्सी नम्बर ११ अनिष परियारले ४३ औं मिनेटमा १÷१ गोल गरेका थिए । बेनी सामुदायिक मावि बेनीका जर्सी नम्बर ७ का प्रजल बानियाँलाई म्याग्दी जेसीजका संस्थापक अध्यक्ष सिनेटर रमेश कुमार श्रेष्ठबाट प्लेयर अफ द म्याचको जर्सी प्रदान गरिएको थियो । खेल रेफ्रि तथा अफिसियलहरुमा आशिष भुजेल, सिदार्थ शाक्य, गणेश चोखाल र सुजन रेश्मी रहेका थिए । बेनी सामुदायिक मावि बेनीका खेल शिक्षक प्रविन श्रेष्ठ, टिम व्यवस्थापक प्रवेश मगर र सरस्वती मावि तातोपानीका खेल शिक्षक दिनेश के. सी., टिम व्यवस्थापक गणेश कुमार खत्री रहेका थिए ।
झ) नवौ खेल
नवौं खेल जनप्रिय मावि दरवाङ र न्यू वेष्ट पोइन्ट आ.मा. वि. बेनी वीच भएको थियो । खेलमा न्यू वेष्ट पोइन्ट शुन्यका विरुद्द ५ गोलले विजयी भएको थियो । न्यू वेष्ट पाइन्टका जर्सी नम्बर ४ सुनिल थापाले तेस्रो मिनेट, जर्सी नम्बर २२ दिपेश पुर्जाले आठौं मिनेट, जर्सी नम्बर ११ सुजल श्रेष्ठले नवौं मिनेट, जर्सी नम्बर १० समन थापाले ४६ औं मिनेट र जर्सी नम्बर ७ विज्ञान भण्डारीले ६३ औं मिनेटमा १÷१ गोल गरका थिए । न्यू वेष्ट पोइन्टका जर्सी नम्बर १० का समन थापालाई नेपाल जेसीजका पूर्व राष्ट्रिय अध्यक्ष सिनेटर धनञ्जय कुमार श्रेष्ठबाट प्लेयर अफ द म्याचको जर्सी प्रदान गरिएको थियो । खेल रेफ्रि तथा अफिसियलहरुमा पुरन छन्त्याल, साजन परियार, विकेस शेरपुञ्जा र उपेन्द्र गिरी रहेका थिए । न्यू वेष्ट पोइन्टका खेल शिक्षक दिपेन राई, टिम व्यवस्थापक ईश्वर सेन्चुरी र जनप्रिय मावि दरवाङका खेल शिक्षक आत्माराम सुवेदी, टिम व्यवस्थापक वकिल फगामी रहेका थिए ।
ञ) दशांै खेल
दशांै खेल प्रकाश मावि बेनी र बालमन्दिर आधारभुत वि. बेनी वीच भएको थियो । खेलमा प्रकाश मावि शुन्यका विरुद्द ३ गोलले विजयी भएको थियो । प्रकाश माविका जर्सी नम्बर ७ क्याप्टेन रिजन पुनले २८ औं मिनेटमा र जर्सी नम्बर ९० नविन परियारले ३३ औं मिनेटमा १÷१ गरेका थिए भने बालमन्रिका जर्सी नम्बर ८ पेन्नुरी शेर्पाले ६० औं मिनेटमा आत्माघाति गोल उपहार दिएका थिए । प्रकाश माविका जर्सी नम्बर ७ का सबिन राईलाई म्याग्दी जेसीजका पूर्व अध्यक्ष जेसी नारायण कुमार बरालबाट प्लेयर अफ द म्याचको जर्सी प्रदान गरिएको थियो । प्रकाशका जर्सी नम्बर ११ उत्सव जि.सी.ले पहेलो कार्ड पाएका थिए । रेफ्रि तथा अफिसियलहरुमा सिद्धार्थ शाक्य, आशिष भुजेल, गणेश चोखाल र सुजन रेश्मी रहेका थिए । प्रकाश मा. वि. बेनीका खेल शिक्षक स्वदेश श्रेष्ठ, टिम व्यवस्थापक सरोज जि. सी. र बालमन्दिर आवि बेनीका सिंगाका खेल शिक्षक विर्सना के. सी. चोखाल, टिम व्यवस्थापक जीवन लामिछाने रहेका थिए ।
३. क्वाटर फाइनलका खेलहरु
क) पहिलो खेल
क्वाटर फाइनलको पहिलो खेल केवि एकेडेमी दरवाङ र शारदा मावि छिस्वाङ वीच भएको थियो । निर्धारित समयमा गोल रहित बराबरी भए पछि पेनाल्टी सुटआउटमा ३ का विरुद्द ४ गोले शारदा मावि विजयी भएको थियो । शारदाका जर्सी नम्बर ४ कुमार दर्जी, जर्सी नम्बर १५ मिलन दर्जी, जर्सी नम्बर १० सिलन सिउथानी र जर्सी नम्बर २ क्याप्टेन सिमन सिउथानीले गोल गरेका थिए भने जर्सी नबर १२ झकविर रोका गोल गर्न असफल रहेका थिए । केविका जर्सी नम्बर ६ क्याप्टेन कुशल पुन, जर्सी नम्बर १२ निखिल रोका, जर्सी नम्बर ५ दिपेश रोकाले गोल गरेका थिए भने जर्सी नम्बर १० अबिन रोका र जर्सी नम्बर २१ नबिन पुर्जा गोल गर्न असफल रहेका थिए । शारदा माविका जर्सी नम्बर १६ गोलरक्षक देवेन्द्र पुर्जालाई बेनी नगरपालिका वडा नम्बर ६ का वडा अध्यक्ष कृष्णसिं बानियाँबाट प्लेयर अफ द म्याचको जर्सी प्रदान गरिएको थियो । खेल रेफ्रि तथा अफिसियलहरुमा पुरन छन्त्याल, साजन परियार, विकेस शेरपुञ्जा र उपेन्द्र गिरी रहेका थिए । शारदा मा. वि. बेनीका खेल शिक्षक प्रशुराम फगामी, टिम व्यवस्थापक सुनिल पाइजा र केवि एकेडेमीका खेल शिक्षक टण्डिन लामा, टिम व्यवस्थापक हिरा बहादुर पुन रहेका थिए ।
ख) दोस्रो खेल
क्वाटर फाइनलको दोस्रो खेल माउण्ट एभरेष्ट आमावि बेनी र बेनी सामुदायिक मावि बेनी वीच भएको थियो । खेलमा बेनी सामुदायिक शुन्यका विरुद्ध १ गोलले विजयी भएको थियो । बेनी सामुदायिकका जर्सी नम्बर ९ क्याप्टेन प्रदिप छिनालले सातौं मिनेटमा निर्णायक गोल गरेका थिए । बेनी सामुदायिक माविका जर्सी नम्बर ७ प्रजल बानियाँलाई म्याग्दी जेसीजका पूर्व अध्यक्ष जेसी खम थापा मगरबाट प्लेयर अफ द म्याचको जर्सी प्रदान गरिएको थियो । रेफ्रि तथा अफिसियलहरुमा सिद्धार्थ शाक्य, आशिष भुजेल, गणेश चोखाल र सुजन रेश्मी रहेका थिए । बेनी सामुदायिक मा. वि. बेनीका खेल शिक्षक प्रविन श्रेष्ठ, टिम व्यवस्थापक सचिन शाक्य र माउण्ट एभरेष्ट आमावि बेनी खेल शिक्षक शिरिष हमाल, टिम व्यवस्थापक राजिव थापा रहेका थिए ।
ग) तेस्रो खेल
क्वाटर फाइनलको तेस्रो खेल न्यू वेष्ट प्वाइन्ट आमावि बेनी र चन्द्रकुन्ता किसानी मावि धारापानी वीच भएको थियो । निर्धारित समयमा गोल रहित बराबरी भएपछि पेनाल्टी सुटआउटमा चन्द्रकुन्ता किसानी मावि धारापानी २ का विरुद्ध ४ गोलले विजयी भएको थियो । चन्द्रकुन्ता किसानी मावि धारापानीका जर्सी नम्वर ७७ अर्जुन सुनार, जर्सी नम्वर ३० मनिक खत्री, जर्सी नम्वर ५ रोजन सुनार र जर्सी नम्वर ७ क्याप्टेन आसिक हर्मेलले गोल गरेका थिए भने न्यू वेष्ट पाइन्टका जर्सी नम्बर ३ दिपेश पुर्जा र जर्सी नम्बर ६ समन थापाले गोल गरेका थिए भने जर्सी नम्बर ७ बिज्ञान भण्डारी र जर्सी नम्बर ९ क्याप्टेन प्रशान्त शेरपुञ्जा मगर गोल गर्न असफल भएका थिए । चन्द्रकुन्ता किसानी मावि धारापानीका जर्सी नम्बर ७ क्याप्टेन आसिक हर्मेल, जर्सी नम्बर ९ दिप्सन थापा, जर्सी नम्बर ३० मनिक खत्री, जर्सी नम्बर १५ भरत रसाइली, जर्सी नम्बर १३ लक्षुमान थापा, जर्सी नम्बर ४ रमेश रसाईली, जर्सी नम्बर ११ अभय थापा, जर्सी नम्बर १७ रोजेश रसाईली, जर्सी नम्बर १ रमित रसाईली र जर्सी नम्बर ९ दिप्सन थापाले पहेलो कार्ड पाएका थिए । चन्द्रकुन्ता किसानी मावि धारापानीका जर्सी नम्बर ९९ गोलरक्षक अमृत रसाईलीलाई म्याग्दी जेसीजका शाखा सम्पादक जेसी दिनेश विश्वकर्माबाट प्लेयर अफ द म्याचको जर्सी प्रदान गरिएको थियो । खेल रेफ्रि तथा अफिसियलहरुमा पुरन छन्त्याल, साजन परियार, विकेस शेरपुञ्जा र उपेन्द्र गिरी रहेका थिए । चन्द्रकुन्ता किसानी मावि धारापानीका खेल शिक्षक धु्रव बहादुर भण्डारी, टिम व्यवस्थापक करन थापा र न्यू वेष्ट प्वाइन्ट आमावि बेनीका खेल शिक्षक दिपेन राई, टिम व्यवस्थापक ईश्वर सेन्चुरी रहेका थिए ।
घ) चौंथो खेल
क्वाटर फाइनलको चौंथो खेल प्रकाश मावि बेनी र बेनी बोर्डिङ सेकण्डरी स्कुल बेनी वीच भएको थियो । खेलमा प्रकाश मावि बेनी शुन्यका विरुद्ध २ गोलले विजयी भएको थियो । प्रकाश मावि बेनीका जर्सी नम्बर १० सन्देश तामाङले २१ औं मिनेट र ६४ औं मिनेटमा गोल गरेका थिए । प्रकाश माविका जर्सी नम्बर ११ उत्सव जि. सी. ले पहेलो कार्ड पाएका थिए । प्रकाश माविका जर्सी नम्बर १० सन्देश तामाङलाई जेसीजकप फुटबलका मुल संयोजक जेसी दिनेश बानियाँबाट म्यान अफ द म्याचको जर्सी प्रदान गरिएको थियो । रेफ्रि तथा अफिसियलहरुमा सिद्धार्थ शाक्य, आशिष भुजेल, गणेश चोखाल र सुजन रेश्मी रहेका थिए । प्रकाश मावि बेनीका खेल शिक्षक स्वदेश श्रेष्ठ, टिम व्यवस्थापक सरोज जि. सी. र बेनी बोर्डिङ बेनीका खेल शिक्षक विनोद घर्ती, टिम व्यवस्थापक फिरोज घिमिरे रहेका थिए ।
४. सेमीफाइनलका खेलहरु
क) पहिलो खेल
सेमीफाइनलको पहिलो खेल किसानी चन्द्रकुन्ता मावि धारापानी र शारदा मावि छिस्वाङ वीच भएको थियो । खेलमा शारदा मावि छिस्वाङ शुन्यका विरुद्ध १ गोलले विजयी भएको थियो । शारदा मावि छिस्वाङका जर्सी नम्बर १५ मिलन दर्जीले ४० औं मिनेटमा निर्णायक गोल गरेका थिए । शारदा माविका जर्सी नम्बर १० सिलन सिउथानीले पहेलो कार्ड पाइका थिए । शारदा मावि छिस्वाङका जर्सी नम्बर २ क्याप्टेन सिमन सिउथानीलाई म्याग्दी जिल्ला प्रदेश सभा क का सदस्य तथा म्याग्दी जेसीजका ब.का.का.उ. माननीय जेसी हरि भण्डारीबाट म्यान अफ द म्याचको जर्सी प्रदान गरिएको थियो ।
खेल रेफ्रि तथा अफिसियलहरुमा पुरन छन्त्याल, साजन परियार, विकेस शेरपुञ्जा र उपेन्द्र गिरी रहेका थिए । शारदा मा. वि. बेनीका खेल शिक्षक प्रशुराम फगामी, टिम व्यवस्थापक सुनिल पाइजा र चन्द्रकुन्ता किसानी मावि धारापानीका खेल शिक्षक धु्रव बहादुर भण्डारी, टिम व्यवस्थापक करन थापा रहेका थिए ।
ख) दोस्रो खेल
सेमीफाइनलको दोस्रो खेल प्रकाश मावि बेनी र बेनी सामुदायिक मावि बेनी वीच भएको थियो । खेलमा प्रकाश मावि शुन्यका विरुद्ध १ गोलले विजयी भएको थियो । प्रकाश माविका जर्सी नम्बर ७ क्याप्टेन रिजन पुनले १७ औं मिनेटमा निर्णायक गोल गरेका थिए । प्रकाश मावि बेनीका जर्सी नम्बर ७ क्याप्टेन रिजन पुनलाई टाइटल स्पोन्सर गौमती खत्री विकास कोषका अध्यक्ष सन्दिप खत्रीबाट म्यान अफ द म्याचको जर्सी प्रदान गरिएको थियो । रेफ्रि तथा अफिसियलहरुमा सिद्धार्थ शाक्य, आशिष भुजेल, गणेश चोखाल र सुजन रेश्मी रहेका थिए । प्रकाश मावि बेनीका खेल शिक्षक स्वदेश श्रेष्ठ, टिम व्यवस्थापक सरोज जि. सी. र बेनी सामुदायिक मा. वि. बेनीका खेल शिक्षक प्रविन श्रेष्ठ, टिम व्यवस्थापक सचिन शाक्य रहेका थिए ।
५. सम्मान कार्यक्रम
फाइनल खेलकै क्रममा प्रमुख अतिथि नेपाल जेसीजका राष्ट्रिय अध्यक्ष सिनेटर लालमणि भण्डारी, अतिथि गण, संस्थापक तथा पूर्व अध्यक्ष, पूर्व राष्ट्रिय अध्यक्ष, टाइटल स्पोन्सर गौमति खत्री विकास कोषका अध्यक्ष सन्दिप खत्री लगायतको उपस्थितीमा मुल संयोजक जेसी दिनेश बानियाँको सञ्चालनमा २०७९ मंसिर ४ गते सम्पन्न निर्वाचनबाट म्याग्दी जिल्ला प्रदेश क मा निर्वाचित म्याग्दी जेसीजका बरिष्ठ कार्यकारी उपाध्यक्ष जेसी हरि भण्डारी त्यस्तै आठौं जेसीज कप फुटबल प्रतियोगिता २००९ मा सहभागी भै प्रकाश मावि बेनीलाई विजेता बनाउन सफल उत्कृष्ट खेलाडी सन्तोष छन्याल, सर्वाधिक गोलकर्ता माउण्न्ट एभरेष्ट आमावि बेनीका विकास थापा र उत्कृष्ट गोलरक्षक न्यू वेष्ट पोइन्ट आमावि बेनीका लोकेन्द्र पुनलाई सम्मान गरिएको थियो ।
७. आर्थिक सहयोग संकलन
फाईनल खेलकै पूर्व सन्ध्यामा म्याग्दी जेसीजको आब्हानमा संस्थापक, पूर्व अध्यक्ष र जेसीज सदस्यहरु, उपस्थित प्रमुख अतिथी, अतिथीगण तथा दर्शकहरुबाट न्यानो कपडा वितरणका लागि आर्थिक सहयोग संकलन गरिएको थियो ।
८. फाइनल खेल
२० औं जेसीज कप फुटबल प्रतियोगिताको फाईनल खेल प्रकाश मावि बेनी र शारदा मावि छिस्वाङ वीच भएको थियो । खेलमा शारदा मावि १ गोलका विरुद्ध २ गोलले विजयी हुँदै पहिलो पटक जेसीज कप जित्ने सदरमुकाम बाहिरको विद्यालय बन्न सफल भएको थियो । छैटौं पटक उपाधि जितेर रेकर्ड बनाउन मैदानमा उत्रेको प्रकाश माविका तर्फबाट नर्सी नम्बर ७ क्याप्टेन रिजन पुनले २९ औं मिनेटमा गोल गरि अग्रता दिलाएका थिए । शारदा माविका जर्सी नम्बर ११ रुपक बुढाथोकीले ६५ औं मिनेटमा गोल गरी बराबरी गरेपछि खेल थप रोचक बनेको थियो । थप गरिएको अतिरिक्त समयको अन्तिम सेकेण्डमा शारदा माविका जर्सी नम्बर ८ निर्मल रोकाले निर्णायक गोल गर्दै शारदा माविलाई उपाधी दिलाएका थिए । प्रकाश माविका जर्सी नम्बर ६ विनोद तामाङले पहेलो कार्ड पाएका थिए । शारदा माविका जर्सी नम्बर २ क्याप्टेन सिमन सिउथानीलाई जिल्ला खेलकुद विकास समिति म्याग्दीका अध्यक्ष दिनेश के. सी.बाट म्यान अफ द म्याचको जर्सी प्रदान गरिएको थियो ।
रेफ्रि तथा अफिसियलहरुमा सिद्धार्थ शाक्य, पुरन छत्याल, आशिष भुजेल र गणेश चोखाल, विकेश शेरपुञ्जा, सुजन रेश्मी र उपेन्द्र गिरी रहेका थिए । प्रकाश मावि बेनीका खेल शिक्षक स्वदेश श्रेष्ठ, टिम व्यवस्थापक सरोज जि. सी. र शारदा मा. वि. बेनीका खेल शिक्षक प्रशुराम फगामी, टिम व्यवस्थापक सुनिल पाइजा रहेका थिए । मुल संयोजक जेसी दिनेश बानियाँको सञ्चालनमा सामुहिक राष्ट्रिय गानको सम्मान, महासचिव जेसी बिष्मा श्रेष्ठबाट आस्था पाठ र सामुहिक रुपमा फिफा गानको सम्मानसँगै शाखा अध्यक्ष जेसी सन्दिप खत्रीको स्वागत मन्तव्य र प्रमुख अतिथि नेपाल जेसीजका राष्ट्रिय अध्यक्ष सिनेटर लालमणि भण्डारीले प्रमुख आतित्थ्यताको मन्तव्य व्यक्त गर्नु भएको थियो । प्रमुख अतिथि नेपाल जेसीजका राष्ट्रिय अध्यक्ष सिनेटर लालमणि भण्डारीलाई शाखा अध्यक्ष जेसी सन्दिप खत्रीले मायाको चिनो प्रदान गर्नु भएको थियो ।
९. पुरस्कार वितरण तथा समापन
फाइनल खेल लगत्तै विजेता शारदा मावि छिस्वाङलाई श्री लक्ष्मी प्रिन्ट्सले सौजन्य गरेको जेसीज कप, विजेता शारदा मावि छिस्वाङ र उप विजेता प्रकाश मावि बेनीलाई ट्रफि, चेक, नगद र मेडल र प्रमाणपत्र प्रदान गरिएको थियो । साथै अनुशासित टिम केवि एकेडेमी दरबाङ्गलाई खगेश्वरी अवार्ड, उत्कृष्ट खेलाडी शारदा माविका जर्सी नम्बर २ क्याप्टेन सिमन सिउथानीलाई धमानसिंह अवार्ड, सर्वाधिक गोलकर्ता प्रकाश मावि बेनीका जर्सी नम्बर ७ क्याप्टेन रिजन पुनलाई लक्ष्मी पुतली अवार्ड, उत्कृष्ट गोलरक्षक शारदा मावि छिस्वाङका जर्सी नम्बर १६ देवेन्द्र पुर्जालाई ईन्द्र अवार्डसाथ नगद, मेडल र ट्रफि प्रदान गरिएको थियो ।
साथमा द राईजिङ केवि एकेडेमी दरबाङ्गका दिक्षित पुनलाई धन अवार्ड, उत्कृष्ट स्ट्राईकर प्रकाश मावि बेनीका जर्सी नम्बर १० सन्देश तामाङलार्ई रामजी अवार्ड, उत्कृष्ट डिफेन्डर प्रकाश मावि बेनीका जर्सी नम्बर ८ सुमन पुनलार्ई सरस्वती अवार्ड, उत्कृष्ट मिडफिल्डर प्रकाश मावि बेनीका जर्सी नम्बर ७ क्याप्टेन रिजन पुनलाई लालीगुराँस अवार्ड, उत्कृष्ट कोच बालमन्दिर आधारभुत विद्यालय बेनीका विर्सना चोखाल के.सी.लाई एककुमारी–कृष्णप्रसाद अवार्डका साथमा मेडल, ट्रफि, नगद र प्रमाणपत्र प्रदान गरिएको थियो । मुल संयोजक जेसी दिनेश बानियाँले सञ्चालन गर्नु भएको सो पुरस्कार वितरण समारोहमा टाइटल स्पान्सर गौमति खत्री विकास कोष, रेफ्री तथा अफिसियलहरु, सहयोगदाताहरु, कलाकारहरुलाई समेत सम्मान गरिएको थियो ।
अत्यमा, यस वर्ष २०७९ मंसिर २० देखि २४ गतेसम्म २० औं जेसीज कप बेनीबजारको खुल्ला मञ्चमा सम्पन्न भएको छ । उक्त प्रतियोगिता सफलतापूर्वक सम्पन्न गर्नका लागि विगतका वर्षहरुमा आर्थिक, नैतिक र भौतिक सहयोग गर्नुहुने सम्पूर्ण संघ संस्था महानुभावहरु आभार व्यक्त गर्दछौं । सन २०२३ मा हुने २१ औं जेसीज कपमा सहभागी हुने सम्पूर्ण विद्यालयहरु र खेलाडीहरुलाई अग्रीम सफलताको शुभकामना !
जय जेसीज !
