म्याग्दीको बेनी नगरपालिका–९,स्थित प्रसिद्ध धार्मिकस्थल गलेश्वर मन्दिरको प्रवेशद्वारमा एकबर्षभित्र १२ करोडको लागतमा अपाङ्गमैत्री होटल तयार हुने भएको छ । करिब एक दशकदेखि सदरमुकाम बेनीमा सञ्चालनमा रहेको होटल याक एण्ड रेष्टुरेन्टले करिब २ रोपनी क्षेत्रफलमा ५ तलाको भवन निर्माण भइरहेको छ ।
बेनी–जोमसोम–कोरला सडक खण्ड अन्तरगत गलेश्वर बजारको प्रवेशद्धारमा अपाङ्गमैत्री शौचालय सहितको संरचनामा एट्याज रूमसहित ४० कोठा, एउटा सभाहल र सडककोद दुबैतर्फ पर्याप्त पार्किङको सुविधा रहेको होटलको निर्माणकार्य तिब्ररुपमा अगाडी बढेको सञ्चालक ताराप्रसाद आचार्य ‘बाबुराम’ले बताए ।
‘गलेश्वर दशकै ठूलो धार्मिक गन्तब्य हो,‘मुस्ताङ पुग्ने पर्यटकलाई समेत सहज हुन्छ’ सञ्चालक आचार्यले भने । उत्तरी म्याग्दी सहित मुस्ताङ आवतजावत गर्ने पर्यकका साथै गलेश्वर दर्शनका लाागि आउने धार्मिक पर्यटक र सदरमुकाम बेनी नजिकै भएकाले अन्य क्षेत्रमा जानेलाई समेत सहज हुने सञ्चालक आचार्यको भनाई छ ।
उनले निर्माणधिन होटलमा स्वदेशी तथा भारतीयसँगै तेस्रो मुलुकका पर्यटक लक्ष्य गरिएकाले सबै किसिमका पाहुनालाई सहज हुने गरी निर्माण गरिएको बताए। म्याग्दी होटल तथा रेष्टुरेन्ट ब्यवसायी संघका अध्यक्ष समेत आचार्यले पर्यटकको चहलपहल र मार्ग आसपासमा धमाधम बन्दै गरेका होटलले पर्यटकलाई सहज भएको बताए ।
पोखरादेखि कुस्मा, बेनी हुँदै मुस्ताङ जाने एकमात्रै सडक बेनी–जोमसोम–कोरला सडकअन्तर्गत रहेको यस होटल सञ्चालन भएमा आन्तरिक तथा बाह्य पर्यटकको बसाइ लम्ब्याउन टेवा पु¥याउने पर्यटन ब्यवसायीको भनाई छ। म्याग्दीमा भित्रिने करिब ७० प्रतिशतभन्दा बढी पर्यटक उत्तरी म्याग्दीमा रहेका पर्यटकीयस्थल तथा छिमेकी मुस्ताङ जाने गर्दछन् । विदेशी सहित आन्तरिक पर्यटकको प्रमुख रोजाइ समेत मुस्ताङ नै भएकाले उत्तरी क्षेत्रका होटलहरु सिजनमा भिडभाड हुन्छ ।
