भूतपूर्व ब्रिटिश गोर्खाका एकमात्र छोरा किरण पुन तीन सातादेखि सम्पर्कमा नआएपछि उनको परिवारले खोजी गरिदिन अपिल गरेको छ ।बेलायतको एम्सबरी घर भएका ३६ वर्षीय किरण गत १ डिसेम्बर बिहीबारदेखि बेपत्ता भएका हुन् ।
दुध फ्रयाक्ट्रीमा काम गर्ने उनी त्यही दिनदेखि तीन दिन बिदामा थिए । काममा बिदा भएपछि उनले आफ्नो बाबु भूतपूर्व गोर्खा तीर्थबहादुर पुनलाई एण्डोभर ट्रेन स्टेसनसम्म छोडिदिन भनेका थिए । बाबु छोरा निस्किएपछि बुबाले बाटोमा इन्धन हाल्न कार रोके । छोराले फूल टयांक इन्धन हालेको पैसा पनि तिरिदिएका थिए ।
छोरालाई स्टेशन छाडेर बाबु फर्किए तर छोरा त्यसदिनदेखि बेखवर छन् । उनको फोन ‘स्वीच अफ’ छ ।
सेल्सबरी प्रहरीमा रिपोर्ट गरेपछि प्रहरीले किरण फार्नबोरो ट्रेन स्टेसन (मेन) मा झरेको देखे पनि थप जानकारी पाएको छैन् ।
प्रहरीले घट्नालाई ‘हाइ रिस्क’ मा राखेर प्राथमिकताका साथ खोजिरहेको पारिवारिक श्रोतको भनाइ छ । पुन बेपत्ता भएपछि परिवार एकदम चिन्तित छ ।
एनआरएनए यूकेले आफ्ना पञ्जीकृत सदस्य किरण पुनको खोजी गरिदिन सबैमा आव्हान गरेको छ ।
पुनको परिवार र प्रहरीको आग्रह बमोजिम एनआरएनए यूके अध्यक्ष प्रेम गाहामगरले उनको जीवन रक्षा र खोजी गरिदिन बेलायती समुदायमा अपिल गरेका हुन् । उनीबारे केही जानकारी भए स्थानीय प्रहरी, आफू र परिवारजनलाई सम्पर्क गरिदिन गाहामगरको आग्रह छ ।पोखरा स्थायी घर भएका किरण कला क्षेत्रमा समेत रुची राख्थे । Souirce:-www.nepalilink.com
सम्पर्क विवरणः
एनआरएनए यूके अध्यक्ष प्रेम गाहामगर- 07833507666
बहिनी देवी पुन- 07846445488
