Exif_JPEG_420

रोजगारीको सिलसिलामा पोर्तुगल गएका एक यूवा ११ दिनदेखि बेपत्ता भएका छन् । केही महिना अगाडी रोमानीयाबाट पोर्तुगल पुगेका बेनी नगरपालिका–६,चुत्रेनीका सुरज मल्ल पोर्तुगलको सान्तोतोनीया भन्ने सहरबाट राजधानी लिस्बोनतर्फ आउँदै गर्दा बाटोबाटै सम्पर्कविहिन भएका हुन् ।

धेरै नेपालीहरुको बसोबास रहेको सान्तोतोनीयाबाट लिस्बोन हुदै स्पेन जाने योजनामा रहेका मल्ल बेपत्ता भएपछि खोजीकार्य तिब्र पारिएको त्यहाँ रहेका म्याग्देली मोहन बानियाँले बताउनुभयो ।‘प्रहरीमा पनि रिर्पोट गरिएको छ,‘सबैतिर खोजीकार्य हुदाँ समेत अहिलेसम्म पत्ता लागेको छैन’ बानियाँले भन्नुभयो ।

सान्तोतोनीयाबाट स्थलमार्ग हुदै तीनजना साथीहरुसँगै आएका मल्ल बाटोमा ओर्लिएपछि सम्पर्कविहिन भएको उनीसँगै आएका नेपाली यूवाले बताएपनि ओर्लिएको लोकेश आसपासमा खोजीकार्य गर्दा फेला नपरेको मोना पोर्तुगलले जनाएको छ। सम्पर्कविहिन हुनु केही घण्टा अगाडीसम्म मल्लसँग कुराकानी समेत भएको थियो । बेपत्ता भएका मल्लको खोजीमा मोना, एनआरएनए सहित विभिन्न संघसंस्थाले सम्भावित क्षेत्रहरुमा खोजी गरिरहेको छ ।

Leave a Reply