म्याग्दी उद्योग वाणिज्य संघको मूल आयोजनामा बेनीको खुलामञ्चमा जारी सातौं म्याग्दी महोत्सवस्थलमा रहेको शैक्षिक परार्मश दिने एभरेष्ट ग्लोबलको स्टलमा पनि दैनिक भिड देखिन्छ । महोत्सवको अवलोकन गर्न आउने अभिभावक, विद्यार्थीको उच्च शिक्षाको चासो देखाउने गरेका छन् ।

अध्ययनका लागि बिदेसिने युवाहरुलाई गन्तव्य मुलुकको शैक्षिक नियम, कानुन, व्यवस्था, आवश्यक योग्यता, पूर्वतयारी, आर्थिकलगायत पक्षमा परामर्शसँगै फोटो प्रतियोगिताले समेत यो स्टलमा भिड बढाएको छ । विदेश अध्ययनका लागि पोखरा, काठमाण्र्डा धाउनुपर्ने बाध्यताको अन्त्य गदैं बेनीबाटै परामर्श सेवा दिइँदै एभरेष्ट ग्लोबलकी बेनी शाखा प्रमुख अस्मिता केसी बानियाँले महोत्सवमा आउने विद्यार्थी र अभिभावकको चासो धेरै रहेको बताउनुभयो ।

‘दैनिक अध्ययनका लागि जान चाहनेहरु आउनुहुन्छ,‘एकबर्ष पछाडी तयारी गर्ने योजनामा रहेका विद्यार्थी समेत स्टलमै आएर चासो लिने गरेका छन्‘ शाखा प्रमुख केसीले भन्नुभयो ।म्याग्दीका विभिन्न विद्यालयमा कक्षा १२ सम्म पढ्दै गरेका विद्यार्थीले विदेश अध्ययन गर्न आवश्यक चासो देखाउने गरेको उहाँको भनाई छ ।

विदेश उच्च अध्ययन गर्न जाने विद्यार्थीलाई हामीले स्टलबाटै धेरै जानकारी दिएर अन्य थप जानकारीका लागि कार्यालयमै बोलाउने गरेको शैक्षिक परामर्श दिइरहेको शाखाले जनाएको छ । परामर्श तथा अध्ययनको अवसरका लागि महोत्सव समेत एउटा माध्यम बनेको छ । बेनीमा रहेको फिउचर सेलेक्ट र एभरेष्ट ग्लोबल एक आपसमा मर्ज भएर नयाँ ब्यवस्थापनका साथ सञ्चालन गरिएको छ ।

सोही अवसरमा अवलोकन गर्न आउनेलाई अन्तिममा नगद ५ हजार सहित सम्मान गर्ने गरी फोटो प्रतिस्पर्धाले समेत चहलहपल बढेको कर्मचारी जगत गैरेले बताउनुभयो । म्याग्दीबाट अन्तर्राष्ट्रिय शिक्षा लिन चाहने विद्यार्थीका निम्ति पुलको काम गरेको एभरेष्ट ग्लोबलले विद्यार्थीको गन्तव्य मुलुकका युनिभर्सिटी, कलेजहरूका बारेमा समेत जानकारी दिने गरेको छ।

 

Leave a Reply