म्याग्दीको धवलागिरी गाउँपालिका-७, मच्छिमबाट हराएका चार बालिका पोखरामा भेटिएका छन् । मंगलबार एकाविहानै सम्पर्कविहिन भएका सिर्जना प्रतेलबिपना पर्टेल, बिपना पटेल र बिपना पर्टेल पोखराको भलाम भन्ने ठाउँमा फेला परेको हुन्। घरबाट कपडा हालेर विहान करिब ६ बजे निस्किएकाको खोजीकार्यको क्रममा बुधबार पोखरामा सकुशल भेटिएपछि सुरक्षित राखिएको किरण पर्टेलले बेनीअनलाइनलाई जानकारी दिनुभयो ।
कुनै ब्यक्तिको प्रलोभनमा नभई घरायसी झगडाकै कारण गएको पर्टेलले बताए । घरायसी झगडाका कारण घर छोडेर हिडेको अवस्थामा ताकम तथा आसपासमा रहेका खोजी गर्दा पनि बालिकाहरु कतै फेला परेका थिएनन् । बालिका हराएको समाचार देखेपछि पोखरा आसपासका क्षेत्रमा बसोबास गर्ने स्थानीयले खोजीकार्य गरेका थिए ।
बालिकाको खोजीमा बालिकाको फोटो मागेर हुलियासहितको विवरण ताकम प्रहरी चौकी, इलाका प्रहरी कार्यालय दरबाङ सहित सदरमुकाम बेनीमा समेत खोजी गरिएको अवस्थामा कसरी पोखरा पुगे भन्ने कुराको विस्तृत जानकारी बालिकाहरू घरमा आईसकेपछि पत्ता लाग्ने परिवारस्रोतको भनाई छ । हराएका बालिकाका स्थानीय भुमे आधारभुत विद्यालयमा अध्ययरत छन् । बालिका हराएको समाचार बेनीअनलाइनले समेत प्रकाशित गरेको थियो ।
