करिब एकदशक अगाडीसम्मअक्करे भीरमा बुट्यान र लहरामा झुण्डिदै बेलढुङ्गाको फेददेखि शिरसम्म पुग्न निकै दुःख हुन्थ्यो । म्याग्दीको बेनी नगरपालिका–३ भकिम्ली र बागलुङको काठेखोला गाउँपालिका–३ धम्जाकोसिमा क्षेत्रमा रहेको पर्यटकीयस्थलमा जोखिम मोलेर भिरबाट उक्लिनुपर्थो ।
समुद्री सतहदेखि दुई हजार ६ सय ८७ मिटर उचाइको बेलढुङ्गामा पुग्न र फर्किन स्थानीयलाई निकै समस्या हुन्थ्यो। पर्यटकको नजरसम्म नपरेको बेलढुंगामा पुगेर फर्किने भकिम्लीबासीहरू अहिलेपनि ति दिनलाई सम्झिन्छन् । भकिम्लीका वडा अध्यक्ष पदम पुनले बेलढुंग आसपासमा क्षेत्रमा चरनका लागि जाने स्थानीयलाई सहज हुने गरी अघिल्लो कार्यकालमा १ लाख विनियोजन गरेर सामान्य गोरेटो बाटो बनाए ।
म्याग्दी र बागलुङ क्षेत्रका बासिन्दाले चरन क्षेत्रका लागि प्रयोग गर्ने बेलढुंगा अहिले धेरै हिमाल देखिने एक सुन्दर गन्तब्य बनेको छ । पहिले पुग्नै मुस्किल र फर्किदा चोटपटक लाग्ने बेलढुंगाको घाँटीमै सडक पुगेको छ । बेलढुंगाको प्रवेशद्धार देउराली धुरिदेखि बेलढुङ्गासम्म स्लेट ढुङ्गाको ५ सय २५ सिँडीले पर्यटकलाई निकै सहज भएको छ ।
पदमार्ग बनाउन स्थानीय तारामिलन छन्त्याल सहित यूवाहरु करिब एक साता जंगलमै बसेर काम गरेका थिए ।भकिम्लीका वडा अध्यक्ष पदमबहादुर पुन, वडा सदस्य रत्न जिसी, स्थानीय अगुवा पृथबहादुर पुन लगायतले बागलुङको कोठेखोला गाउँपालिकाका जनप्रतिनिधिहरुसँग सहकार्य गरी अहिले आर्कषक पूर्वाधार बनेको छ ।
सडक सञ्जालबाट उकालो छिचोलेपछि करिब १० मिनेटमा बेलढुङ्गामा पुगिन्छ । बेनी नगरपालिका–३ भकिम्लीका वडा अध्यक्ष पदमबहादुर पुनले एकदशक अगाडीको बेलढुंगा र अहिलेको बेलढुंगमा धेरै फरक छ ।
बेलढुंगामा घुम्न जानेलाई बनभोजस्थल समेत बनाइएको छ भने मेला समेत सञ्चालन गरिन्छ । २०७७ साल भदौमा बेल आकारको ढुङ्गा दुई हजार ११८ मिटरको उचाइमा थियो। २०७२ सालको भूकम्पको पटक–पटकको धक्काले माथिल्लो भाग भत्किएपछि अहिले नयाँ अकारमा सहजै करिब १ सय जना पर्यटक बस्ने मिल्ने संरचना बनेको छ । पूरानो संरचनामा करिब २० जना मात्रै बस्न मिल्थो ।
बेलढुङ्गाबाट संसारकै सातौं अग्लो धौलागिरी हिमाल, १० औं आग्लो अन्नपूर्ण हिमाल सहित पूर्बी रुकुम र म्याग्दीको सिमानमा अवस्थित पुथा हिमाल, म्याग्दीको गुर्जा,निलगिरी, मानापाथी, गणेश हिमाल,कास्कीको माछापुच्छे«, गोरखाको मनास्लु, गंगा पूर्व, लमजुङ लगायतकालोभलाग्दो हिमालको लस्करसिधै आँखामा ठोकिन्छ । म्याग्दीका अन्य पर्यटकीयस्थलबाट यति धेरै हिमाल देख्न मुस्किल हुन्छ ।
सेता हिमालको तल बादल, स्वच्छ पहाड, आसपासमा बनजंगलको मनोरम दृश्य देखिन्छ । म्याग्दी र बागलुङबाट सहजै पुग्न सकिने नयाँ र सुन्दर गन्तब्य बेलढुंगा बनेको छ । बेलढुंगामा बार्षिक ६ हजारको हाराहारीम आन्तरिक पर्यटक पुग्ने गरेका छन् । म्याग्दीको सदरमुकाम बेनीबाट करिब १८ किलोमिटरको दुरीमा छ भने बागलुको सदरमुकामबाट करिब साढे दुई घण्टाको यात्रा गरेपछि प्राकृतिक भ्यूटावर बेलुढुंंगा पुगिन्छ ।
