ऐतिहासिक जितसहित नेपाल आइसीसी ट्वान्टी–२० क्रिकेट विश्वकपमा छनोट भएको छ। आज भएको सेमिफाइनल खेलमा युएईमाथि शानदार जित हात पार्दै नेपालले आइसीसी ट्वान्टी–२० क्रिकेट विश्वकपमा छनोट भएको हो।
१३५ रनको लक्ष्यसहित मैदान उत्रेको नेपालले २ विकेटको क्षतिमा लक्ष्य पूरा गर्यो।
नेपालको जितमा ओपनर ब्याट्सम्यान आशिफ शेखले सर्वाधिक ६३ रन जोडे। त्यस्तै कप्तान रोहित कुमार पौडेलले ३५ रन बनाए। जबकी कुशल भुर्तेलले २४ रन बनाउँदा गुलशन झाले २२ रन बनाए।
