म्याग्दीको बेनी नगरपालिका–४ मा आइतबारदेखि पाँचौ सिंगा कप खेलकुद प्रतियोगिता शुरु भएको छ । जनचेतना युवा क्लवले आयोजना गरेको प्रतियोगिताको गण्डकी प्रदेशका भौतिक पूर्वाधार विकास तथा यातायात व्यवस्था मन्त्री रेशम बहादुर जुग्जाली (सुविन)ले उद्घाटन गर्नुभयो ।
कात्तिक २६ गतेसम्म सञ्चालन हुने प्रतियोगिता अन्तरगत वडा स्तरीय पुरुष भलिबल र फाइभ ए साईड फुटसल खेल हुने जनचेतना युवा क्लवका अध्यक्ष सुरेन्द्र भण्डारीले बताउनुभयो ।
दुई वटै खेलमा बिजेता र उपबिजेतालाई ट्रफी, मेडल र प्रमाण–पत्र सहित क्रमश ः रु. ५५ हजार ५५५ र रु. २५ हजार ५५५ प्रदान गरिने खेलकुद संयोजक देवेन्द्र चोखालले बताउनुभयो ।
भलिबलमा उत्कृष्ट खेलाडी, सेटर, ब्लकर, डिफेण्डर, स्पाइकर, फुटसलमा उत्कृष्ट खेलाडी, गोलरक्षक, सर्वाधिक गोलकर्ता र डिफेण्डरलाई रु. एक÷एक हजार नगद सहित ट्रफी प्रदान गरिने भएको छ ।
१८ टिम सहभागी फुटसल प्रतियोगिताको खेल शुरु भएको छ भने पुरुष भलिबलको नाम दर्ता जारी छ । खेलमैदान सानो भएकाले एक टिममा पाँच जना खेलाडी हुने फाइभ ए साइड फुटसल खेल सञ्चालन गरिएको क्लवले जनाएको छ । शुभ दिपावली पर्वको अवसरमा प्रतियोगिता आयोजना गरिएको हो ।
